Tuesday, August 7, 2007

الا هو يعنى اية تااااج؟؟




أسم مدونتك؟

ولكم كل الحب

لماذا أخترته ..وما هى نيتك من وراء أختياره؟

عشان بجد مش جوايا غير كل الحب..ونيتى اكون مخلصة واتكلم من قلبى..وبس

هل فكرت فى أغلاق مدونتك ؟ولماذا؟

الحقيقة..لسة..مش لما افتحها الاول ابقى اقفلها

اصورتك فى المدونه و رمزيتها؟؟

بالنسبة لاى صورة حضرتك؟

لما دخلت عالم التدوين من الأساس؟

حسيت انة باب اقدر اعبر من خلالة عن اللى جوايا واتواصل مع الناس بشكل حقيقى من غير ما نعرف بعض ..فنكون اوضح ومن غير زيف ولا مجاملات

جمله قيلت لك فى وصف مدونتك؟

الحقيقة لسة مافيش حد شرفنى باى وصف من اى نوع...شفتى الغلب

التعليقات بالنسبه لك..واهميتها؟

مهمة جدا طبعا..ما هو دة التواصل..امال انا بقول اية من الصبح

أحلى بوست كتبته....ضع اللنك ثم أذكر لماذا؟

يا ريت تقولى لى انتى

أفضل بوست قرأته ؟وضع اللنك؟

كتير ما اقدرش اميز..صعب

أفضل مدونه قرأتها؟

اية السخافة دى انتى هتزعلى الناس منى من قبل ما يعرفونى

حد قل أدبه فى التعليق أيه رد فعلك؟

اما ل هما عملوا ديليت لية

أسواء مدونه؟

لم تصادفنى بعد

أسواء بوست أسواء مدونه؟

هو اللى هنعيدة هنزيدة ولا اية

هيحصل أيه لاميلك لما تموتى؟؟

اكيد هتموت معايا

أديتى الباسوورد لحد قبل كده؟

ايون

كانت أيه طبيعه علاقتك بيه؟

جوزى وعهد اللة يا باشا

أسمك؟

اسم النبى حارسك وضامنك

المشهور بيه وسط أصحابك؟

اسالى نفسك

عمرك؟

يا لطافة..اية الخفة دى كلها...عايزة تضحكى عليا عشان اقولك ان انا عندى خماشر تمناشر سنة..ومتجوزة ومخلفة اية ؟فى مانع..مش بقول لك اهم حاجة الصراحة..والكلام من القلب...لا بجد تقدرى تقولى احساسى بالعمر متوقف عند المرحلة دى

برجك؟

يالا زى بعضة..ادينا بنعرف بعض بين الميزان والعقرب..احسن ناس

دراستك؟؟مجالك؟؟

دراستك وفهمناها وهى الادب..بس مجالك اللى هو اية حضرتك؟

شخصيتك نوعها ايه؟

تقدرى تقولى اجتماعية ومنطوية شوية..هادية بس عصبية قوى بس بالى طويل..مرحة قوى واموت فى الهزار بس يا سواد السواد لما بنكد...متواضعة قوى والاطة الدنيا فيا....حنينة اوى ورومانسية موت بس ما ليش فى الكلام المزوق والمجاملات الفارغة...طبعا اللى هيقرا الكلام دة مش هيدخل البلوج تانى وهيفتكرونى لاسعة ..بس والله العظيم كلة بجد ومش هزار..مش مولودة بين برجين ؟؟عاوزين ايه طيب

السفر بالنسبه لك؟

كنت بموت فيه..دلوقتى بعمل له الف حسا وبيوترنى وما انامش قبلها واقول يا رب يتلغى ..ووش من دة يعنى

وقت فراغك بتعملى ايه؟

لو لقيت طبعا..القراءة..عمل الحلويات..اكلم صحباتى..واستمتع بالوحدة مع مج نسكافية..ويااااةوجون وجون وجون

المود بتاعك؟

ساعة تروح وساعة تيجى

الأكله المفضله؟

كلة جميل وزى الفل وربنا يديمها نعمة ويحفظها من الزوال

الصفات التى أخذتها من بابا؟

الحنية..ونسيان القسية بسرعة

الصفات التى أخذتها من ماما؟

اعتمد على نفسى ..ولما احط فى دماغى حاجة لازم اعملها ..بمشيئة الله اولا واخيرا

أكتر ست حاجات بكرهها؟

ستة بس..يالا ماشى 1-الشيطان..2-اسرائيل..3-امريكا..4- اللىبيتعمل فينا واحنا فى بلدنا..5-القهر الذل القسوة القلب الجامد الظلم جرح المشاعر الكبر بكسر الكا ف ...الخ الخ الخ

أكتر ست حاجات بحبها؟

ربنا والرسول والجنة والرضا وراحة البال والصحة والكلمة الحلوة والامان وحضن اولادى ورضا زوجى

الشغل بالنسبه لك؟

مهم جداااا..بالنسبة لى ولغيرى ..الشغل بيثقل الشخصية وبيزود اعتمادها على نفسها وثقتها فى نفسها وبيزيدها خبرة

الأنترنت بالنسبه لك؟

شىء ممتع ومفيد ومسلى وكفاية انة سمح لنا بالتواصل الجميل دة.

أمرره لمين؟؟

امررة لمين يا ستى امررة لمين يا ستى..ولا ستك الا انا طبعا...كيكا ع العالى......اخت ساكايار...ساكايار ولو ينفع امررة لك تانى يا قمر امررة والنعمة..هو انا ليا اعز منك..يعنى هو انا همررة بفلوس...هك هك هك


7 comments:

فى القلب said...

وجون وجون وجون
الاولى الاولى
أيه الخفه والاطافه والظرافه
أنتى بتتكبرى على أمى ليه
كأنى مرات ابوكى
عموما أنا عارفه كل حاجه عنك
وبالأماره أسمك أول حرف منه خ
ومخلفه سبع بنات وكمان لو فتحتى بأك بكلمه ماعيا هقول انتى ساكنه فين
ويجعله عامر

sa7arkash said...

اوشا الجميلة....يا ستى لا عاش ولاكان اللى يتكبر عليك يا جميل انت يا سكر...هو انا اقدر وبعدين اول حرف من اسمى خ..خ.. ومالة...المهم ما يكونش آخرة هه مربوطة...وعامر بحسك يا اختشى

طهقان said...

السلام عليكم

فرصة طيبة ان اول تعارف لي في المدونة دي يكون على تاج التعريف دا اللي عرفت منه اشياء كتيرة عنك

وهي أن اول حرف من اسمك
خ


والموود بتاع ساعة تروح وساعة تيجي

بس انا قرئت كذا حاجة عندك..
بصراحة بتاع الدقهلية دا زي العسل

اهلا بيك
ومنورة الدنيا
الافتراضية

طهقان

sa7arkash said...

اية دة مش معقول.. طهقان بنفسة رد علية كتير يا ولاد واللة..وكمان زارنى بنفسة..ياسيدى كتر الف خيرك وكتر الله من امثالك...ويا ريت دايما تشرفنا بالزيارة..وبعدين اول حرف من اسمى خ..بس آخرة مش ايييية...اة مش عاوزين غلط من اولها...سلام فظيع لطهقانة ويا ريت هى كمان تشرفنى بالزيارة

sakayar said...

على فكرة انا معرفش انك بعتيلي التاج وربنا وعلى فكرة أخت سكايار مش اللي في بالك دي حد تاني بس أختي برضه
وشكرا ع التاج

sa7arkash said...

يعنى اخواتك كتروا اوى فجاةكدة..يالا يالا ما علينا..واية الكمنت الرائع اللى انت سايبة لى دة..ان شا الله مرسى..وبعين افهم من كدة ان كوين اوف جيرلز مش اللى فى بالى؟؟

Doaa Ebrahim Aaql said...

انا سعيده اوووى
إنى شفت لك تاج
عشان اعرف حاجات عنك

تعليقاتك الجميله وصلتنى ياقمر مش تقلقى
وربنا يخلى لك السبع بنات
(:
تحياتى