Saturday, August 18, 2007

شششششششششششششششششششششششش


اماااااااااااان......
........اية؟؟؟؟

بقول اماااااااااااااااااااان.............انت اية ما بتسمعش؟
لا بسمع والله بس مش فاهم..هو انت تقصد ايه

اقصد ايه...ايه يا ابنى هو انت منين...الامان ده ابسط حقوق الانسان

حقوق.....تانى هتقول لى كلام مش فاهمه

يا ابنى الامان...ده اول متطلب من متطلبات الحياة الادمية السوية
حممم..نعم هو حضرتك بتكلمنى انا ..يعنى هو ده معلومة ولا سؤال؟؟

معلومة ايه وسؤال ايه.....انت يا ابنى اهبل ولا بتستهبل؟؟
لاكده ولاكده..بس بجد مش فاهم


ويا ترى عاوز تفهم؟؟؟ولا انت مرتاح كده؟
بصراحه مكسوف اقول لك
لا قول..ما تتكسفش..اصل انا بجد عاوز افهم
شفت حضرتك الفرق...انت عاوز تفهم ...لكن انا مش عاوز
يعنى عاوز تقول انك ...مرتاح كده..؟


بصراحه اكتر..ايوه ايوه...انا مرتاح كده..انا مبسوط كده
يا ابنى انت كده فى غيبوبة..انت تايه.. الامان ده ابسط حقوقك

تاااانى هتقول لى امان.. وحقوق..وحياه آدميه..ومشاعر انسانية..واستقرار ..وطموح.............وامل فى بكرة.................وحلم..............ومستقبل

ياااااه...ما انت فاهم اهة امال بتنكر لية؟؟
انا مش بنكر انا بستنكر
انا فاهم الامان ....بس مش حاسسة....لانى لو حسيتة هطالب باللى بعدة...
وماله ....طالب...من حقك

ما هما علشان فاهمين كويس قوى دة...عمرهم ما هيخلونا نحس بية...عشان يفضل هو اقصى امنياتنا


هما مين اللىمش عاوزينكم.......ومش هيخليكم.....؟؟
شششششششششششششششش

خلاص خدوا موقف ...اعملوا حاجة
موقف؟؟حاجة؟؟ هوحضرتك تقصد اية؟؟؟؟ الا هو حضرتك ما قولتليش انت اللى منين؟؟

11 comments:

SAKAyAR said...

يا عمونا بلاش الكلام ده ... احنا متراقبين
طررررراخ
يا باشا والله ما اعرفهم
أنا كنت معدي هما اللي وقفوني
أنا خارج يا عم ... أنا الحمد لله عايش في أمان وكل اللي عاوزه بلاقيه ... مياه ..كهربا ... شمس ..قمر
حلوة الدنيا؟؟
حلوة
حلوة وبس؟؟
حلوة وزي ما انت شاااايف
بس خلااااااص

عصفور المدينة said...

أنا كنت محضر طرااااااااااخ
بس الراجل أبو إيد طرشة وانا باقول الراجل اللي اسمه سكايار سبقني
عايزك كدة تصحى وتفرفش عشان تعرف تكمل نوم
حلم الأمان يبدو أنه أصبح بعيد المنال

فى القلب said...

أمان
ولا أمان يا ربى أمان
والنبى يا سوسو يختى أحنا عندنا عيال عيزين نربيهم
خلينا فى الحب ألهى يسترك احسن

horas said...

هما فعلا عاوزين الحد الادنى
يبقى اقصى متطلباتنا
عشان منطلبش حقوقنا الحقيقية
لانها مدفونة فى كروشهم
وخزاينهم
وصعب جدا تطلع
تحياتى ع البوست الجامد

sa7arkash said...

ساكايار العظيم
ده طلع فى ناس جبانات بشكل.....
وبعدين لما كل اللى انت عاوزه بتلاقية
امال انت رايح فين ولية؟؟
ومش عايزين نسيح...ها
نشوفك على خير دايما فى كل بوست هاتعمله ان شاء الله...وترجع لنا بالسلامة وانت عاملهم

sa7arkash said...

عصفور المدينة
يا سيدى حتى الاحلام....بعيدة المنال؟؟؟
خلاص بلاها احلام...خلينا فى الواقع وسك ع الاحلام

sa7arkash said...

اوشا الجميلة
حب اية...طب حب اووو...
ألا انتى ما اخدتيش بالك يا اختشى ان الحب بقى رفاهية وكماليات....هو ينفع نحب وندى ونحلم من غير امان...يا بنتى كبيرنا نربى العيلين تلاتة اربعة خمسة اللى معانا...واحنا فى منتهى الامااااان
سلامى لعمو عزيز

sa7arkash said...

حورس
نورتنا ياسيدى..واشكرك على المشاركة..وعندك كل الحق فى رايك وفعلا مدفونة فى كروشهم..لان اللى اندفن ما بيرجعش تاااانى
احسنت

القلم السكندري said...

بصراحة بوست جميل جدا

وواقعي جدا

ونتكلم بصراحة أكتر

كل الناس - اقصد العاقلين- فاهمين حقوقهم كويس

بس في نفس الوقت..عارفين التمن كويس

تمن الحرية والأمان

واللي هو بيكون للاسف سلب الحرية المتاحة والأمان المتاح

لذلك..

زي ما بعض اخوانا قالوا من شوية

احنا عندنا عيال عايزين نربيهم

مشكورة سحر علي ابداعك المتتالي

sa7arkash said...

القلم السكندرى
يادى النور يادى النور
شفت ازاى كلنا منتهى امالنا اننانربى العيال
بس ربنا يقدرنا

New Image said...

انا قررت آخد موقف ،و موقف كبير كمان ، بس يكون بره البلد عشان يشيل كل عربيات الميكروباص و البيجو