Thursday, August 23, 2007

AHHHHHHHHHHHHHHAT



كان ياما كان فى سالف العصر والاوآن.....

بنوتة حلوة زى القمر...واسمها يا سيدى كان...قمر

وولد شجاع وبطل..وبيحب الحلوة قمر..واسمه كمان كان ...عمر

وفضلوا الولاد يحبوا بعض من وهما نونوهات وفى كيجيهات...لغاية

لما كبروا ودخلوا كمان الجامعات

قال عمر انا عاوز اكون فى يوم طبيب...قالت قمر يا ريت..وانا هدخل حاجة

سهلة عشان اتفرغ للحبيب

كبروا الولاد واتخرجوا بعد سنين الضنا والعداب...هو طبيب..وهى واخدة

م الشهادات ادآب

فاتت سنة.......وماله

وفااااتت سنييييين

وماله

يعنى ما هو اللى صبرهم من كيجيهات.....قادر يصبرهم كمان شوية ....

سنواااااااات

ام قمر قلقت قوى وطلبت عمر.....جرى ايه يا دكتورنا الكبير....فاتت سنه

ووراها اهه سنوات كتير...وكبرت يا ابنى وخدت م الشهادات كتير.......

اشى دبلومات....وماجيستيرات....ودكتورات

ولسه البت قاعدة جنبى...دى مش بس فاتها قطر الجواز...لا...فاتها كمان

قطر الخلف..وانا مخى يا ابنى داخل على مرحلة التلف

وضحك عمر ضحكة طويييييييييييييييلة

وقال لها...سنوات كتير شهادات كتير...شهادات كتير سنوات كتير

وفضل يعيد ويزيد ما قطعش صوت د\عمر....غير لما وصلت بطلتنا الحلوة

قمر

وسكت خااااالص ولا قال لها ولا عاد لها...وفى البكا فجأة انهمر

ولا سألتة ولا عاتبته...ومن عنيها سيل دموع تانى انهمر

وف ايدهم ايه تانى يعملوه..غير الدموع

هى الضلمه الكحل دى...ممكن تنورها الشموع

بعد كل العمر ده..لاعلم نافع..ولاطب شافع....ولا حتى حب.....

لا الشقة جت..ولا حتى شبكه..ولا عياده..ولاولاولا

ولابعد ميت مليون سنة

يا جماعه احنا بنتظلم.... وبنتنفى جوه الوطن

احلامنا منا بتتسرق....وماضينا كله بيتحرق

اصل احنا جيل....لاشاف له ماضى..ولاتراث

ولا عاش له حاضر......ولا له ميراث

لا عرفنا نبكى على اللى فات....ولا نحكى دكرى عن اللى مات

ولا يوم هيعرف حد يحكى عننا.......اى حكايات

لاماضى عشنا...ولا حتى حاضر

اما اللى جاى مش لينا احنا..ده لل.......ده للدايما بنقوله حاااضر

ومش آهه واحده..لآ دى كتير آهاااااااات

ورقصنا يا جدع على اللى جاى بكرة وآآآآآآآآت

13 comments:

فى القلب said...

روووووووووووووووووووووووووووووووووووووووووووووووووووووووووووووووووووووووووووووووووووووووووعه يا سوسو
معموله بمزاج
أنما أنتى بتنبطى بعمر ده على مين بالضيط
ده انتى بترسمى على ابنى بقه
عموما بلغى الحلوه أمر أن الدكتور عمر
دايب صبابه ولو يسافر بلاد بعيده لجل يجيب مهر ست البنات قمر

عصفور المدينة said...

هو ينفع واحد يقرا البوست ده الصبح الساعة سبعة ولا فيه نصايح معينة للاستخدام
ربنا يستر الدكتور سكتم بكتم مايقراهوش احسن هو مش في المود خالص
وعمال يكتب حاجات زي دي كدة من أرض الحدث

sa7arkash said...

فى القلب
ودايما فى القلب والعقل والله يا اوشا

اما بخصوص دكتورنا عمر.....فالمهر والشبكة والذى منه وصلوا من زمان....ونوصل لكم العروسه لغايه عندكم يا افندم....
افطمها بس...ونبطل بامبرز
ونبعتها فوررررا

sa7arkash said...

عصفور المدينة
اولا عايزة اقول لك حاجة..يا اما انت اية اللى مصحيك بدرى كده...او انت ايه اللى مسهرك للصبح كده

اختار انت بقه

وبعدين مش عارفة فعلا هى ليه طالبة معايا عككنة اليومين دول...صحيح ايه الرخامة دى؟؟؟ونصايح الاستخدام
لما تلاقى الصورة ابيض واسود افهم المراد من رب العباد...وظبط المود

New Image said...

مشكلة عمر و قمر ف منتهى البساطة ، د عمر يبدأ ف دراة الاداب و ياخد الدكتوراه و يستنى لمل قمر تخلص كلية الطب ، و ساعتها ام قمر حتكون ماتت و خلصت كل مشاكلهم .بس خلاااص ، هو فيه ايه

princess dodo said...

جميل اوى ياسوسو
بحب اوى الكلام المكتوب بالطريقه دى
تعرفى بيفكرنى بحدوتة حسن ونعيمة لما سمعتها اول مرة


بوست جميل اوووووى


سلامى ليكى

sa7arkash said...

ايمدج الذيذ

يا قهلا ياقهلا يا قهلا


آنست...وربنا ما يحكمك على ولايا
هى كل المشكلة عندك فى ام قمر؟؟

مش بقولك لظيظ قوى

sa7arkash said...

دودو
ازيك وحشتينى انتى فين من زمان
.
.
.
كل الحواديت حسن ونعيمه
وروميو وجوليت
وعنتر وعبلة
وقيس وليلى
وجميل وبثينة
وقمر وعمر

المهم النهاية السعيدة دايما ....بانهم ما يتجوزوش

horas said...

جميل اوى بجد
انا عينيا دمعت

sa7arkash said...

حورس
اية الانوار دى
مرسى على زوقك..وبعدين لاتدمع ولا حاجة
من ده كتيييييييييييييير

...

القلم السكندري said...

بصراحة يا سحر أنا أفضل الحياة الواقعية في ظلال العكننة

عن الحياة في سعادة زائفة ينكشف زيفها مع عراقيل الحياة

ردا بس ةعلي تعليقك انها طالبة معاكي عكننة اليومين دول

هي طالبة كدة مع اي واحد لسة عنده احساس بالدنيا من حواليه

بوست رائع جدا

وأسلوب مؤثر

وللأسف.. كلام واقعي

أن في دكاترة ومهندسين عايشين دون المستوي اللائق

بس في الآخر احنا اللي نستاهل

تحياتي

sa7arkash said...

القلم السكندرى
.
.
والله يا سيدى العكننة الواقعية دى مفروضة علينا
لان حتى الحلم المزيف...مش قادرين نحلمة

فى ميت الف حاجة وحاجة بتصحيك منة
.
مرغم اخاك لا بطل
اللى حلم ..واللى حب ... واللى حس ...حلم وحس وحب من بااادرى

ومنورنا دايما وحمد الله ع السلامة

حبة حاجات (ايمان) said...

كلام يجنن بجد دخل دماغى
بس ليه نظرة التفاؤل الجامده اوووووووى دى

ههههههههههههه
اول مره ازور مدونتك وبجد كلامك جديد وجميل
بالتوفيق دااايما