Friday, October 17, 2008

ذكرى ميلادى

اقتربت ذكرى ميلادى..او اليوم المكرر لميلادى من كل عام..طبعا وانا ما زلت على قيد الحياة
بلاش خلينى متفائلة شوية..عيد ميلادى
ارغى بقى شوية....اطفى الانوار..واقعد على الشيزلونج...وارجع لورا يجى قول كدة......هاها مش هقول لكم
المهم انى هرجع كتير حبة....جايز بالورقة والقلم كتير لكن جوايا وفى احساسى حاسة انة قريب قوى.....اعتدت
وانا صغيرة ان اعد العدة لمثل هذا اليوم واجمع فية كل الصديقات على كل شاكلة ولون رغم اختلافاتهم الاجتماعية والمادية والعمرية..ورغم كون كل مجموعة تنظر للاخرى اما متعالية واما منبهرة.....ولكنى اعتدت مثل هذة المفارقات وكنت اسعد بهن على كل المستويات..دون اى فرق.....وكنت اسعد ايضامنذ كنت طالبة فى الثانوى او الجامعة بأن اعد البوفية بنفسى..بكافة محتوياتة..واسعد بتعليقاتهن..وايضا باطرائهن..وما زلت احتفظ بكل البومات الصور التى تحمل كل هذة الذكريات..وتحملنى معها الى عالم جميل يجمعنى بكل صديقاتى وحبيباتى..ومنهن من لا نزال على اتصال دائم وعلاقة والحمد لله انا على يقين بانها أصدق وأخلص ما خرجت بة من كل هذة السنوات..واحب ان اخبرهم بمدى اهميتهم فى حياتى وبدورهم الايجابى فى كل مأزق مر بى بحياتى...رغم عدم وجود اى مآزق على الاطلاق..كركر هاها
ماعلينا...المهم اننى الان.....لم تعد لى اى رغبة فى الاحتفال بهذا اليوم من قريب او بعيد..بل وتذكرة بل كل ما ارجوة فى هذا اليوم ان اكون وحيدة...هاتقولى يا دكتور ودةحصل لك امتى هاقول لك بصراحة من يوم ما اتجوزت وصرت اما وهو اجمل ما فى الحياة على الاطلاق..ها تقولى وجربتى تاخدى حاجة ..هاقولك.....؟؟
لية بقى انا بتكلم فى الموضوع دة...هاقول بجد اللى انا حاساة.....بجد بقى من غير هزار
...اجدنى تنقصنى انطلاقة الامس رغم انى كنت اشعر انى حبيسة التقاليد
...وتنقصنى السعادة بدون مسؤليات رغم انى مسؤلة منذ نعومة أظافرى
...وتنقصنى اوقات الضحك بشدة حتى يكاد القلب يقف رغم قلة هذةالاوقات
.........ينقصنى الحلم..........
نعم ..فقد كنت املك من الاحلام ما تنوء عن حملة المجلدات..وكنت اعلم انى احلم..ولكنى كنت راغبة بشدة فى تحقيق الحلم...وينقصنى الان الحلم..فلا شىء غير الواقع... الواقع...الواقع...الواقع ولا مجال للاحلام
..
..
..
..
ولكنى لا اخفيكم سرا...اننى الان وجدت لنفسى كل يوم وقتا ...استرقة...من واقعى.......................لاحلم

22 comments:

القلم السكندري said...

الأحلام بالنسبة لي نوعان:

حلم قريبٌ يسهل السعي اليه

وما أجمل الحلم به عبر تخطيط للوصول اليه

وحلمٌ هو اقرب للخيال

وهذا وان كانت لحظاته جميلة غلا انها مسكرة عن الواقع

وما اقبحه من سكرٍ عند لحظة الإفاقة منه





تحياتي اختي الكريمة

وايه الغيبة دي كلها

؟؟

عودا حميدا

عصفور المدينة said...

أعتقد أن هذا نضج
كل عام وأنت بخير

فى القلب said...

هابى بارذايتو يو
هابى بارذايتو يو
هابى بارذاي تو سوسو حبيب قلبى
هابى بارذايتو يو
.
.
سنه حلوه يا جميل
سنه حلوه يا جميل
سنه حلوه يا سوسو يا سكر
سنه حلوه يا جميل
.
.
يلا حالم بالم حيو أبو الفصاد
هيكون عيد ميلاده الليله أسعد الأعياد
فليحيا أبوالفصاد
...
اليلو من عندك يا رب

ههههههههههه

أه ه ه يا سوسويا روحى رجعتينى لأحلى أيام والبوفيه الرائع ألى كنت بستمتع بكل ما لذ وطاب عليه ومكنتش برحم نفسى
ولا فساتين السهره الروعه ألى كانت من تصميمك وكنتى بتبهرينى بيها
طول عمرك زوقك جميل وراقى يا حياتى
\\\\\

طبعاً أنا كت أضغر الموجودين سنناً و أحلاهم و أغناهم و كنت بطر أستحمل الحسد ألى فى عيونهم يلا عشان خاطر عيونك بس يا قمر
خخخخخخخخخخخخخخخخخخخ
عاااااااااا

\\\\\

ودلوقتى وقت التخيل تخيلى أنى جبتلك أحلى تورته من "لوكرنفال" وده أغلى محل التورته فيه فوق الثلاثه مائه و أنتى طلعه
شفتى أنا مش بصتخصر فى صدقتنا حاجه أزاى
ههههههه
لاء ولسه خدى ياستى أزازه برفيون "جيرلان" وكفايه عليكى بقه كده هدايا أحنا مقربين على أخر الشهر

و بوسيلى حبه عينى الملكه لكلوكه
و أمير أحلامى الملك نور
وفتى أحلامى المميز مادو البوى فرند بتاعى

و أسيبك فى رعايه الله وحفظه يا ست الكل

Anonymous said...

عقبال ميت سنة وانت فى سعادة وهنا

يارب تكون سنة 2008
احلى واسعد من 2007
.. و2006 .. و 2005 .. و 2004..و

أنت وراكى حاجة؟

sa7arkash said...

الاخ العزيز القلم السكنرى

هعتبرك قلت لى كل سنة وانتى طيبة وهرد عليك واقول لك ...عقبال عندك

اما بخصوص نوعية الاحلام فانا احب الحلم الاقرب للخيال الذى يدفعنى لتحقيقة...ولا يسكرنى كما تقول

فكل الحقائق العظيمة التى كانت محالا..واحلاما بعيدة المنال ..هى التى عندما تحققت غيرت العالم

ربنا يرزقنا واياكم احلاما سعيدة وقريبة المنال...
وارجع وأقولك..وانت طيب هاهاها

sa7arkash said...

عصفور المدينة
..
..
اية دة بجد..لا اكيد بيتهيالى...وانا اقول مش قادرة افتح عينى من كتر النور...بس لا انا ليا عتاب كبيير..صحيح انا فهمت نوعية الموضوعات اللى بتفضل التعليق عليها..بس دة ما يمنعش المرور

يالا حصل خير ان شاء الله...منورنى كالعادة..وعادة ما تنقطعش


وبخصوص البوست ..انا معك اتيقن انة النضج..هييييه دنيا...ووانت طيب وما نجيلكش فى حاجة وحشة

sa7arkash said...

اوووووشة
.
.
.
هوووف دة طبعا معناة انى بطفى الشمع

طبعا انتى متخيلة اية اكتر حاجة فطستنى من الضحك...اليلو من عندك يا رب...طبعا مت من الضحك ورجعت بالكرسى لورا و....... زى ما تقولى قولى



ويا ستى ربنا يكرمك ويعزك انك فاكرة مع تاكدى انها محفورة فى ذاكرتك مثل ذاكرتى..وربنا ما يحرمنى منك

ومرسى يا حياتى على الهدايا الروعة دى والتورتة وصلت وتجنن...والبيرفيوم واو وعمل شغل ما حصلش....:)والغريب ان وصلنى علبة قطيفة زرقاء من داماس..وقلت اكيد اوشا الشقية عملتها ما هو مش معقول ابو الرشد

بوست لك العيال نفر نفر

بحبك اوى يا اوشا شئت ام ابيت
وما أتحرمش من وجودك الدائم والعام فى حياتى..ووجودك الخاص فى هذا اليوم

القلم السكندري said...
This comment has been removed by the author.
sa7arkash said...

شريف

ربنا يخليك يا سيدى وما اتحرمش من ذوقك.. وطبعا فاضية انك تقعد تدعيلى الدعوات الحلوةدى...ربنا يكرمك ويعزك

القلم السكندري said...

اسف جدا جدا

والله انا ذهني كان مشتت جدا وانا بكتب التعليق اللي فات

والي الآن ذهني مشتت

فاقبلي اعتذاري

وكل سنة وانتي طيبة .. عقبال 100 سنة علي الطاعة وفي سعادة وأمل

ومرة أخري

كل سنة وانتي طيبة (ملؤها الخجل).. أرجو قبولها

ono said...

happy birthday
وعقبال 100 سنه
ويارب دايمآ نشوفك سعيده
ومرتاحه البال
ومن سعاده لسعاده أكتر وأكتر
وأكتر وأكتر وأكتر وأكتر
ألخ ألخ ألخ

Anonymous said...

كل عام وأنتم فى قرب من الله
كل عام وأنتم فى خير وسعادة
كل عام وأحلامكم تتحقق إن شاء الله

اقصوصه said...

كل عام وانتي بخير مقدما

وكل سنه وانتي الى الله اقرب

وان شاالله تحققين هالسنه كل اللي تتمينه

والله يوفقج يا رب:)

sa7arkash said...

ono

وانتى طيبة يا منمن..ومرسى على زوقك يا جميل...ما اتحرمش يا جميل

sa7arkash said...

بركاوى

اولا اشكرك على المرور الجميل
وكل سنة وانت طيب واشكرك على الدعوات الجميلة دى

sa7arkash said...

اقصوصة


وانتى طيبة واشكرك على المرور الجميل

ويارب يحقق امانينا جميعا
واشكرك مرة اخرى للمرور

sakayar said...

إذن فقد وصلتي لسن ال21 هذا العام
انه لنذير خير
أرى الحياة تتراقص كالأمواج والأحلام تعبر فيها سابحة تريد العبور للجانب الآخر وإلى جزيرة الاحلام
إذ ربما تكون دي الحياة؟؟
يعني الاحلام حبت الحياة فدابت وبقت امواج هي كمان
بس الخبرة في السنين القليلة ف الحياة دي المفروض تخلينا نضحك اووي على الدنيا مش نسيبها تضحك علينا
وأما عن البوست اللي جاي بعد سنين كتير
فهنيئا على عودتكم مرة تانية

sakayar said...

ملحوظة بسيييييطة
كل عام وانتم على خير حال
وبتشتروا من السوبر ماركت مش البقال
ويمنع عنكم أي كلام وحش يتقال
وربنا يباركلكوا ف العيال
إلى آخر القصيدة
من ديوان عيد ميلاد سمو المعالي

momken said...

هابى بازى يو يو
هابى بازى يو يو

هابو بازى يو سحركشى
هابى بازى يويو

طبعا معرفش يعنى ايه بازى يويو

بس اسالى بقى كتكوت عنها هو الى يعرفها

كل سنه وانتى طيبه وفى منتهى السعاده يا سحركش

تحياتى

sa7arkash said...

sakayar

اية الانوار الجامدة دى...ومتشكرين على المرور الجميل

واية الكلام الجامد دة...طبيب روحانى حضرتك...الاحلام اللى بتدوب فى الدنيا والناس اللى بتضحك ع الدنيا دة كلام كبير قوى انا مش قدة

ووانت طيب يا سيدى..وعل فكرة انا كملت 23 سنة مش 21...شفت الايام بتجرى بسرعة ازاى...مش ليا حق اكتأب شوية صغيرين

متشنكرين على الحضور ...تعالوا زورونا

sa7arkash said...

momken
>
>
>
وانت طيب وبالف صحة وسلامة...ونجاملكم فى الافراح..
ومرسى جدا لكتكوت على حضورة
:)وما نتحرمش من المرور

Doaa Ebrahim Aaql said...

كل سنة وانتى طيبة ياجميله
وربنا يسعدك دايما
وتبقى بصحة وسلامه

:)

اقبلى منى بقا بوكيه ورد احمر فى ابيض
وكل سنة وانتى بخير وسعادة

.

مودتي الصافية