Tuesday, November 18, 2008

سجينة قلمى ومشاعرى


بداءة اشعر بكم من الاستياء والاحباط بل وخيبة الامل والعديد العديد من المشاعر السلبية التى تتملكنى وتسيطر على ..فكم من اوراق كتبتها تحمل موضوعات مختلفة..كتبتها كى اتشاركها معكم ولكننى فور كتابتها اعود لتركها واهماتها وعدم اتمامها....هناك العديد من الاحداث السلبية التى أرخت بظلها الكئيب على حالتى المعنوية...ولم اكن اريد ان اثقل عليكم بها..ولكننى عدت واردت ان تشعروا بها معى لاننى واثقة انها اثرت عليكم ايضا حتى اننى بكل اسف لم ادخل لزيارة اى صديق لعلم انة حالة كحالى ولم اشا ان ازداد هما على همى....المهم بعد هذة المقدمة التى أأسف لطولها ولكنها للتوضيح..احب ان اوضح لكم اسبابى
أولا وثانيا وثالثاووووومليون....اسلام..الطفل المصرى الشهيد الذى لقى مقتلة ومصرعة عندمالم يقم بعمل الواجب المدرسى....سوف أجن...لا اجد تعليقات..لا استطيع مجرد وضع نفسى مكان الام...اصبح عندى حالة من الهلاوس اليومية بسبب هذا الموضوع..فمجرد ان يتصل بى أحد من ادارة المدرسة اصاب بتشنج ويكاد قلبى ان يقف....مجرد ان يتأخر الباص خمس دقائق..تحوم الهواجس حول رأسى يتصل والدهم بى عقب وصول كل واحد للاطمئنان على سلا مة الوصول....تماما كما لو كنا فى فلسطين والمدرسة فى الاراضى المحتلة...اوكما يزعمون اسرائيل...ماهذا الذى يحدث كيف تودع الام طفلها صباحا ليذهب الى مدرستة الى محراب العلم..وتذب بعدهل لتسلمة من المشرحة..اى عقل وقلب ومنطق يستوعب هذا..وليس اسلام وحدة فهناك الطفلة التى فقدت حياتها رعبا من عقاب المدرس وهى تقف منتظرة دورها.....يااااه لن تكفينى الكلمات ايا كانت ولا الدموع مهما هطلت..فلا شىء سوف يعوض هؤلاء الأسر عن فلذات اكبادهم واحلى احلامهم....يااااارب الهمهم الصبر والسلوان واكتب لأبنائهم الشهادة وألحق اهلهم بهم......ويا رب تكون آخر الأحزان......ولو انى ما أفتكرش
اتكلم تانى عن شىء مؤلم ومخزى وموجع ومهين ومذل..جلد الاطباء المصررين فى الخارج......كمان فى الخارج...طبعا اذا لم يكن لك ثمنا فى وطنك فليفعل بك الآخرون ما يشاؤن....فنحن قوم هانت علينا انفسنا وهان علينا ذوينا...وهنا على من يملكون امورنا...اشعر باحباط شديد اشعر كما لو كنت سجينة فى سجن كبيييير...ولا استطيع الفرار منة.. وليس لة مدة..وليس لة اسوار...فالسجن فى داخلى وفى اعماقى..وصرت ابحث عن اى شىء يسعدنى..ويحررنى...سعدت جدااا بفوز اوباما ربما لجزورة الافريقية والاسلامية..ولكنى افقت على علامة استفهام كبيرة فى راسى ...علام اسعد وأتفائل...فسنظل دوما ننتظر من يجىء ليسعدنا ويحررنا ويحقق احلامنا سنظل دوما ردة فعل وليس فعل...سنظل دوما مفعول بة وليس فاعل......يوووووه لن اطيل عليكم اكثر..مش عاوزاكم تدعوا عليا
قبل ما انسى مبرووووك لمصر والاهلى...وعقبال الباقى

20 comments:

New Image said...

الله عليكى والله
، اولا: حمدا لله ع سلامتك و نورتى البلوج انا باحجز و راجع تانى

القلم السكندري said...

أولا حمد لله علي السلامة.. ولو أن كدة المفروض الغياب ده فيع 3 أيام جزا..

بس يلا المسامح كريم

ثانيا بقي .. الموضوع عايز تعليق طويييل.. ومينفعش يمر مرور الكرام.. لذا أرجئه سويعات.. حيثما أفرغ من العمل


لك موفور التحية

... amr said...

اذا لم يكن لك ثمنا فى وطنك فليفعل بك الآخرون ما يشاؤن.... دي كل الحكاية يا سحر

ماتتعبيش نفسك :(( انتي الخسرانة مش كبرات البلد ...... سيبك انتي .. مبروك للاهلي و ان شاء الله هيعمل انجاز في اليابان ... تحياتي

sa7arkash said...

new image
لله يسلمك..وواضح انك بتحجز وراجع صحيح

sa7arkash said...

القلم السكندرى

الله يسلمك..لاجزا اية انا معايا شهادة مرضية من دكتور نفسانى بيشرح فيها حالتى وانى خطر على الاخرين..فقلت الم الدور واعد فى بيتنا لما ربنا ياخد بيدى
ومنظرةتعليقك...هى سويعات العمل دى ما بتخلصش؟؟
.
.
تحياتى
.

sa7arkash said...
This comment has been removed by the author.
sa7arkash said...

amr
انا معاكى جدااا..ودة الشىء المحزن والمحبط
وهنفضل خسرانين برة وجوة علطول كدة؟؟
وبخصوص الاهلى الله يبارك فيكى..ويسمع منك ربنا..اهى اى حاجة نفرح بيها العيال.:):)

سعيدة بالحضور واتمنى تكرار الزيارة

sa7arkash said...

amr
انا آسفة اتكلمت بصيغة المؤنث..ظننتها قمر..عشان صورة البنوتة المصاحبة للاسم...وبعد زيارتك عرفت الخطا...اعذرنى آسفة مرة اخرى

... amr said...

احم ... بس انا مش مؤنث

اسمي عمرو

... amr said...

ولا يهمك

sakayar said...

إذ ربما
إذ ربما لأ
إذ ربما
إذ ربقى يلا

ما لسه بدري
جاي متأخر ع الحصة ليه يا أستاااذ؟؟
والله يا مس سحركش أنا قلت أجيلكم بعد السجن علشان ميبقاش عندي زنزانة 54 وانتو عندكو سجن القلم فنتلم فأمن الدولة
مش طالبة سجووون
ربنا يفك سجنك ياااارب
بس بالنسبة للبوست بقى
اللي بيحصل ده كنت بتناقش فيه فعلا مع الشباب هنا ف الامارات
اللي كان متحمس أوووي وبيحب مصر اوووي قعد يقول دي أحداث فردية ومش بتحصل علطووول
وكان الهجوم مني ... انه مش بيحصل علطول بس بيحصل ... ولو فجأة لقيته حصل ف بيتك هتقول انه حادثة فردية؟؟؟ ما الفرد أصل المجتمع
وهكذا بقى ... بس عايز اقول ملحوظة ع السريع
اوعي تحدفيني بالشات بوكس ف وشي ولا تضربيني بكومنت
الموضوع فعلا على أد ما هو مقلق وحساس ... لكن برضه التوكل على ربنا بيهون كتييير فحاسبي على أعصابك علشان منبقاش خايفين من حاجة نقوم نضر نفسنا احنا بالعصبية
ربنا يعينكم وييسرلكم كل حال واشوفكم على خير دايما
ومبرووووك للأهلي .... بالعند في اللي بالي باااالك

القلم السكندري said...

السلام عليكم..


وااااسف جدا علي التأخير


طبعا الشهادة المرضية مرفوضة لأنها مزورة ومضروبة.. وانت ماشاء الله تعالجي بلد


أما بقي بالنسبة لما طفي علي الساحة من قضايا المدرسين في الفترة الأخيرة فليست المصيبة الأولي ولا الاخيرة في مصر

إحنا شعب بيتذل وبيتبهدل من أيام فرعون موسي اللي هدد شعبه بالتصليب وتاقطيع الايدي والارجل لا لشئ إلا لأنهم آمنوا لموسي بدون إذن

شعب عاااادي جدا أنه يتعامل بالكهربا في الاقسام لمجرد الاشتباه عشان اخوانا بتوع البحث الجنائي يتأكدو إذا كان له يد ولا لاء

شعب مش لاقي ياكل .. ويوم ما بيلاقي ياكل بياكل أكل كله سرطانات وبلاوي زرقا..

ويوم ما بيشرب من نيلها بيشرب مية صرف صحي مخلوطة بمية النيل

شعب يحيا حياة هي دون حياة الحيوان في الدول الراقية التي لم تزل بعد دول ىدمية وليست مجرد حظائر

بالعكس والله ده علي راي الشاعر


لو قيل للحيوانِ كن بشراً هنا***لبكي وأعلن رفضة الحيوااانِِ

كفاية كدة بقي عشان الواحد مش ناقص.. خلينا نايمين في العسل أحسن بدل ما ننام بعد كدة ف مستشفي المجانين

لعنة الله علي الظالمين



ربنا يرحمنا برحمته

sa7arkash said...

ساكايار المظفر

حللت اهلا ونزلت سهلا ...وملحوظتك فى محلها والله...والله يا سيدى لولا توكلنا على الله وثقتنا بالله ما غمض لنا جفن..ومش هخبطك ولا حاجة..انت اخويا الصغير برضة..وعلينا الاستحمال

وبخصوص الزمالك...لا لا لا لا..وهما لآة
سلامى لنصفك الحلو

momken said...

ياه كبل دى غيبه

حمدالله على السلامه

ونورتى عالم بلوجر تانى بكلامك الرائع

والعجيب ان الواحد يعيش فى بلده غريب

تحياتى

Sherif said...

يشرفنى ويسعدنى ان يصدر لى اول كتاب

لست الا بعض الأوراق" معروض بمعرض "
الكتاب

التفاصيل على البلوج الخاص بى

www.cherry0000.blogspot.com

تحياتى لك

احساس لسه حى said...

عزيزتى

الشهداء كتروا اوى

مش شهداء الاهمال الى شهداء الاحتلال


وللاسف الانسان بيخجل من ضعفه

وضعف حكامنا

ربنا يرحم كل ضعيف ومظلوم ويقويهم وينصرهم

ويرحمنا من ضعفنا

تحياتى

سلام

rack-yourminds said...

انا جاي اسلم عليكي بعد انقطااااع طويل عن التدوين ,اتمني تكوني بخير انتي والاسره الكريمه

وعاوزين نشوف بوست قريب

في امان الله

rack-yourminds said...

ازيك اتمني تكوني بالف خير

ادخلي اكتبي اي حاجه طمنينا عليكي

rack-yourminds said...

كل سنه وحضرتك بخير

رمضان كريم

Uouo Uo said...



thx

شركه تنظيف