Tuesday, June 10, 2008

وسط الزحام

ياااه....كل الطرق مزدحمة...وعقارب الساعة قاربت الثامنة والنصف صباحا اى انه لم يتبقى لى سوى ثلاثون دقيقة على ميعاد العمل....ولم يتبقى لى ايضا سوى يوم واحد لاتغيبه عن العمل...فزحمة الطرق كل يوم حرمتنى ان استمتع باجازاتى سوى فى الانتظار فى هذه الزحمة المقيتة...وها هى عقارب الساعة تتسارع ملتهمة الوقت لتقترب من التاسعة الا ربع...ولا اجد سوى التحليق بخيالى للهروب من هذا الصراع اليومى.....ولكننى حتى لا استطيع ذلك..فابواق السيارات وصراخ المارة يحول بينى وبين ذلك
ورايتة...نعم لاول مرة...وتعلقت عيناى بة...دق قلبى سريعا...ولا اعرف لما...انه فى السيارة التى بجانبى...ورآنى...................ونظر الى مبتسما محركا راسة كتحية...ارتبكت واشحت بوجهى بعيدا...ولكن قلبى لا يزال ناظرا الية....وانا فى عجب من امرى..لما هو ..لما هذة المشاعر الغريبة...حاولت استراق النظر مدعية اهتمامى بسير المرور...واول مرة اتمنى ان يطول بى الوقوف؟؟؟..............وها هو لا يزال ناظرا فى اهتمام..علة شعر بما شعرت بة؟؟؟
وبكل اسف ...وحزن...واسى...وعلى غير العادة سارت السيارات فى مرونة غير مسبوقة...او هكذا احسست...وحدث ضجيج خلفى من السيارات يحثنى على التحرك...وظللت اتلفت حولى وكاننى لم اقد سيارة من قبل...واذا به يلوح لى بيده ليحثنى على السير...مع ابتسامة بدت لى غيييير عادية..وقدت سيارتى مسرعة انها التاسعة الا خمس دقائق ونظرى كله متجه نحو سيارتة...واذا بة يلاحقنى..ووصلت امام عملى فى التاسعة تماما....ولكننى ظللت ساكنة مكانى ولم انزل من السيارة..واذا به ياتى مسرعا تجاهى متحدثا بمنتهى الرقى طالبا ان يتعرف الى...؟؟؟...وتحدثت الىنفسى متسائلة ....كم من ايام ضاعت وسط الزحام....الا يستحق هذا الشعور ان اخسر...ولو آخر يوم.....لاجلة......حتى ولو كانت التاسعة وخمس دقائق صباحا...

23 comments:

Unknown said...

الواحد منا دائما فى حاجة للشعور باهتمام الآخرين و خاصة الجنس الآخر،هذا الشعور مهم لدى الكثيرين ، وهنا لى ملاحظة ، ما هى شكل حياة الفرد الذى لديه هذا الشعور بكل كبير ، هل الانسان الذى لديه حياة مليئة بالنجاحات و الثقة بالنفس ومليئة بالمسئوليات اليومية و المحببة الى نفسه لا يزال يشعر باهمية احتياجه بالاهتمام من شخص عابر ؟؟؟،ارجو فهمى بصورة بسيطة انا رأيت ان هذا البلوج مهم جدا فى مضمونه ، واتمنى ان اكون قد نجحت فى وصول فكرة ما ، و مفيش مشكلة لو نزلتى بدرى شوية خمس دقايق المرة الجاية لانه اكيد حيكون واقف صدفة فى نفس الزمان و المكان

Anonymous said...

معك قلبا وقالبا

الاجابة هى .. لابأس .. من حقنا أن نتنفس .. ربما دق حب جديد بابك .. وربما كانت هذه بداية صداقة جميلة

نحتاج للتواصل مع الجنس الآخر .. بلا قيود او تحفظات لامعنى لها

فقط بشئ من الاحترام

سحر

مش شايفة ان بوست كل اربعة شهور .. كتير شوية ؟

:)))

تحياتى لموضوع يهمنا جميعا

Unknown said...

هل تقبل أن تكون مدونتي احدى صفحاتك التي تزورها وتضع تعليقاتك فيها..أتمنى ذلك
http://kanyatklam.blogspot.com/
تحيتي وأنتظر زيارتك قريبا

Unknown said...

كثيرا ما سمعنا عن التعلق من النظرة الاولى
ولكن هذا الوصف كان مميزا بشكل خاص

تحياتي

sa7arkash said...

العزيز نيو ايمدج

وصلت رسالتك..وفكرتك

وهعمل بنيصحتك واكييييييييد هنزل بدرى

كاشف الاوهام said...

اتفضلوا بزيارة مدونتى
http://scandal-blogger.blogspot.com
واتمنا اشوف ردودكم
تحية لكم

sa7arkash said...

من حقنا ان نتنفس

حتى ولو على الورق
حتى ولو فى الخيال

..

..

من حقنا ان نتنفس... ونحلم

..
ونكتب

واما بخصوص بوست كل 4 شهور فهحاول افضى نفسى ربع ساعة كل شهر وامرى الى الله
:)))

سعدت بمرورك

sa7arkash said...

sheref
الاخ العزيز ..التعليق السلبق ردا على حضرتك واعتذر على نسيانى كتابة الاسم

sa7arkash said...

دمعاتى

اشكرك على المرور
تختلف اشكال النظرة الاولى..ولكنها فى النهاية لها وقعها الشديد على النفس

تحياتى

sa7arkash said...

فضايح المدونين

لا حول ولا قوة ا لا بالله

هو احنا لسة خلصنا من فضايح الفنانين علشان ندخل فى المدونين

الاخ الفاضل او الخت الفاضلة
اتقى اللة فيما تقول عن الاخرين وتحرى الصدق والامانة

ولا حول ولا قوة الا بالله العلى العظيم

القلم السكندري said...

أخيييراً..

والله غيابك طال أوي المرة دي واستنفذتي أيام أجازاتك عن التدوين لمدة خمسين سنة قدام



أن يجد الإنسان روح قلبه وحياته.. أن يشعر بدقاته لأول مرة..لا شك يستحق أن يبذل من أجله عمراً لا دقائق خمس ولا يوم


بوست رااائع أختي العزيزة

وحاسس أني أول مرة أشوف النبرة دي هنا

!!!

ولا بيتهيألي؟؟



لكن العموم عرض مشوق لثلاثين دقيقة في سطور موجزة تأخذنا معها لتضعنا فجأة علي أعتاب النهاية.. ونحن نستحثها المزيد


وأنا أستحثك المزيد من التدوين والتشويق .. فقد استنفذتِ كل اجازاتك

أتمني أن اسمع عنك كل خير

واسف علي التأخير والله.. لكن انا كنت هنا من كام يوم وبعدي علي طول

احساس لسه حى said...

عزيزتى
مش عارف ليه بحس صعب امراه تحب مناول نظرة الرجل ممكن المراه لا

لان من اساس حب الرجل شكل المراه وجمالها

لاكن المراه الشكل عندها ليس اساسيا ولاكن حبها بيتكون من حاجات اهم وهى الشخصية واللباقة والشخص نفسه

القصة جميلة بس فى شئ ناقصها مش عارف ايه بالضبط بس حاسس ان كان لازم يضاف ليها شئ يوضح معناهاواللى جواها اكتر

تحياتى

سلام

احساس لسه حى said...
This comment has been removed by a blog administrator.
momken said...
This comment has been removed by the author.
momken said...

على رائى الفيلسوفه الجامده جدا نجاه الصغيره

الحب فى الارض بعض من تخيلنا
لو لم نجده عليها لاخترعناه

ايوة ممكن نحب من اول نظر
مش بس كده احنا ممكن نحب على الريحه
يعنى نحب شخص من مجرد ذكره امامنا
من سيرته يعنى ممكن كمان نعشقه جدا

وانا بايد اى نوع حب مهما كان نوعه

مواضيعك رهيبه جامده جدا
تحياتى

sakayar said...

وكمان بتكتبي قصص قصيرة
يااااااه
طيب ما نحط قصصك مع شعري ونعمل الديوان سوا؟؟؟
ههههههههه
بس ايه الشعور ده
لأ يستحق الرفد من الشغل مش بس ناخد جزه ههههههههههه
وانا متفق مع ايمدجاوي في موضوع ان بداخل كل إنسان صوت للناس بيقول اهتم بيا شوية أو حسسني بوجودي
أما عن الشغل فأنا بنزل تسعة إلا خمسة بكون في الشغل الساعة تسعة
ده انا حتى ممكن البس وابقى آجي الشغل اخد شاور ههههههههه
ربنا يكرمكم

sa7arkash said...

القلم السكندرى
يا اهلا يا اهلا يادى النور...اية التعليق اللطيف ده
وانا معاك ان الشعور دة يستحق مننا الكتير....وبالنسبة للحالةدى...والله دى مجرد حالة افتراضية مش حالة عشتها بجد...ساعات الواحد بيخلق لنفسة حالةيعيشها ولو لدقايق..ولو على الورق

وما تقطعش الزيارات..وكمان اكتب جديد عشان نعرف نطمئن عليك

sa7arkash said...

احساس لسة حى
مفيش فرق بين مشاعر الرجل والمراة فى احساس النظرة الاولى فهى لها نفش الاثر بغض النظر عن الشكل..فالحب موضوع الشكل فية ثانوى لان مشاعر الحب عادةما تكون غير مسببة..حتى للمحب نفسة..
وبخصوص الشىء الناقص فى القصة .......انا شايفة ان عادى جدا ان كل واحد بيشوفها من منظورة الخاص
واشكرك على المرور والتعليق

sa7arkash said...
This comment has been removed by the author.
sa7arkash said...

الطاغية ساكايار

حللت اهلا ونزلت سهلا..والف حمدالله على سلامةوالوصول ولو اعرف والله كنت انتظرت حضرتك على باب المدونة

وبخصوص الديوان حضرتك انا يشرفنى يا فندم احنا نيجى اية جنب اشعارك الجامدةجدا

واما بخصوص الاحساس دة واحتياج الانسان للاهتمام..فدة شعور ازلى لا نهائى ممتد متشعب من الاشعور المنبثق من ....ماعلينا
على فكرة انا مت من الضحك على جملتك الاخيرة كتر الله من امثالك ساكيار بك
فى انتظار مرورك المبجل

sa7arkash said...

momken
الحب فى الارض بعض من تخيلنا
لو لم نجده عليها لاخترعناه

الله الله عليك هودة الكلام... والله انك اوجزت فأنجزت

هوفعلا كدة..ملخص القول لاخترعناة وهى دى الحالة اللى انا حبيت اعيشها
وانا معاك جدا جدا فى باقى التعليق

وعلى راى الشاعر الجامد جدا تامر حسنى

ايوة...هوده
اشكرك على التواجد الجميل

June 20, 2008 2:43 AM
Delete
Blogger

momken said...

فين الجديد
واضح ان الدوله حلت مشاكل المرور

طبعا عندكوا بس

اعمل فيكى ايه
ادعى عليكى بايه

حبيبتينى فى اشارات المرور
ههههههه

ياله هاتى الجديد

تحياتى

blue-wave said...

الله
حلوة اوى الفكرة
تحياتى