Wednesday, February 13, 2008

كل حب وانتم ممتلئين حبا


كل سنة واحنا كلنا طيبين..وقلوبنا مليانة حب
بغض النظر عن الاتفاق او الاختلاف حول شرعية هذة المناسبة..وانها تخص فالنتين وانة كذا وكذا
اليوم دعونا نتحدث عن الحب كحالة وشعور واحساس وقيمة تستحق الاحتفال بها.....وليس ليوم واحد كل عام..بل يجب ان نتذكر هذة القيمة الغالية فى حياتنا بشكل اكبر..فان كان هذا التذكر وهذة الاحتفالية تجعلنا نتذكر احبابناواهلنا وأصدقائنا ونودهم ونتصل بهم ونرسل لهم الرسائل...ونفكر فيما نشترية لآحبابنا المقربين من هدايا نسعدهم من خلالها ونرى عن طريقها السعادة والفرحة وهى ترتسم على وجوههم...هل كل هذة الاشياء واللحظات التى نسترقها من الزمن لا تستحق ان نحتفل بها ونضيف الى اعيادنا عيد؟؟؟كما اضفنا عيد الام وهو عيد خاص بست الحبايب...بينما عيد الحب اشمل ويضم كل الاحباب


احبابنا ...................................................

حب الله....الله الله الله
حب الرسول...يا حبيبى يا محمد

حب الام...لااااا يعوض ولا يقارن
حب الاب...حصن الامان
حب الاخ والاخت...ملحمة الاخلاص الا متناهى

حب الاصدقاء...التوحد والعطاء الابدى
حب الابناء ....جنة...لا حرم الله احدا منها
حب الناس....كنز من كنوز الدنيا

حب الازواج....هه..مش واخدة بالى...شغال برضة هههههههههه
اية رايكم افكركم بشوية اغانى بحبها قوى ....وأثرت فيا اوىىىىىىىىىىىىىى

شايف البحر شو كبير....كبر البحر بحبك.........................................فيروز
أه لو تعرف يا حبيب قلبى وانت معايا بحس باية...................................نجاة

بالحب وحدة انت غالى عليا..بالحب وحده انت ضى عنية.........................الست

بعمرى كلة حبيتك حبيتك حبيتك................................................وردة

تهنئة خاصة
وأخيرا لزوجى الحبيب
كل حب وانت طيب ..يا راجل يا طيب
ياللى عمرى معاك كان احلى م الشهد المدوب يا.... يا راجل يا طيب

عبرنى بقة وادينى واحدة..كل عام وانتى حبيبتى

كل حب وكلكم مليانين حب

22 comments:

princess dodo said...

كل عيد حب
وكل يوم وانتى بخير
وفى حب دايما
وسعاده ياقمر

ربنا يحقق لك كل اللى بتتمنيه

.

بحبك

....

سوسو انا عاوزة اكلمك
ده الايميل بتاعى

princessdodoworld@hotmail.com

اتمنى تضيفينى

:)

momken said...

كل عام وانتوا فى منتهى الحب

وبعدين بالنسبه لشريك حياتك ياسيتى خليها عليكى وادله انتى واحده
كل عام وانت الحب

هههههههههههه
ربنا يخليكوا لبعض ويديم عليكم الحب والسعاده

تحياتى

rack-yourminds said...

كل سنه وحضرتك في سعاده وحب مع زوجك ربنا يحفظكم ويخليكم لبعض

تحياتي وسلامي

القلم السكندري said...

لااا مش ممكن

أخيرا الأخت سحر من جديد في عالم التدوين

والله أنا داخل المدونة وبقول يمكن واحتمال ضعيف أوي أني ألاقي الحياة دبت فيها من جديد

بس الحمد لله

وجدت المدونة وقد عادت لها روحها بعودة صاحبتها ومعها الجديد

ونرجو أن لا يحدث هذا الإنقطاع ثانية

ألف حمد لله علي السلامة

وإن شاء الله ديا وابدا في احسن حالة معنوية



ولك موفور التحية

ono said...

كل عيد حب وأنت بكل الحب والحنان ربنا يسعدك دايما ويخليلك زوجك اطيب الناس ربنا ميحرمكم من بعض اللهم أمين

sa7arkash said...

دودو الجميلة
وانت طيب يا قمر... وآمين يا رب


الله...وانا بحبك اكتر

طبعا اضفتك..وهبعت لك موبايلى وهسعد جدا بصداقتك الدائمة

sa7arkash said...

momken

وانت طيب ..وسعيد..وغرقان فى الحب

وبعدين انا قدمت السبت اهه وقلت له كل حب وانت طيب...يعنى اموت نفسى

كل سنة وكلكم طيبين

sa7arkash said...

rack-yourmins

ووانت طيب وربنا يخليك..وآآآآمين يا رب

وكل سنة وانت سعيد ومتفائل وممتلىء حبا..وحياة

sa7arkash said...

القلم السكندرى

يادى الانوار يادى الانوار

عمر الشقى بقى يا سيدى..وما نتحرمش من سؤالك...بس انت الل فينك دخلت اكتر من مرة ومش لاقية جديد...انت اتعديت؟

هعدى عليك تانى واطمن جايز تكون الروح رجعت لك زى حالاتى..

كل سنة وانت طيب وسعيد فى حبك ولا اية؟؟؟

sa7arkash said...

ono

حبيبتى

صغيرتى

منمونة


..كل سنة وانت طيب يا سكر..والسنة اللى جاية نقولك يا ام.....؟
ربنا يسعدك فى حياتك حاضرك ومستقبلك
ويديم الود دائما

horas said...

كل عيد حب وانتى في حب
وربنا يجعل كل ايامك حب فى حب

القلم السكندري said...

طب اديني أنا العدوي راحت والحمد لله

فين البوست الجديد بتاعك بقي؟؟؟


نتمني أن يكون ليكي كتابة بصفة دورية حتي لو علي فترة كبيرة .. خليه كل أسبوع..

بلاااش

كل أسبوعين بالكتيييير

كدة بقي احنا كرما معاكي ع الآخر

منتظرين جديدك قريب إن شاء الله

عشان احنا بقي مبنسامحش علي الغياب :)

تحياتي

أوشــــــه said...

كل يوم والحب مالي قلوبنا وحياتنا
وكل يوم وانتي بسعاده

sa7arkash said...

horas

ياااه اخيرا هل هلالك حمدالله ع السلامة ..فينك من زمان

وكل سنة وانت طيب وحياتك ممتلئة حبا وتسعدنا بكتاباتك الحساسة الرقيقة

sa7arkash said...

القلم السكندرى

يا اهلا يا اهلا
ربنا يخليك على كلامك الجميل دة...وفعلا لازم نكتب باستمرار ونطمئن على بعض من خلال هذة الكتابات

واخبارك انت اية؟؟؟ (:

روح شرقيه said...

كل لحظه وانتى منتهى منتهى الحب
المجونه بتعتك جميله كده ورقيقه وتحسى انها عشريه

تحياتى

Sherif said...

متأخرة .. أنا آسف

لكننى لم استطع ان ادع هذا البوست يمر مر الكرام

قد ايه من القلب .. رقيق وصادق .. حتى وانت توجهى التهنئة لزوجك الحبيب

ربنا يخليكوا لبعض وتحتفلوا بفالنتين رقم 1000

اوعى تخافى من الحسد ..

تحياتى

كاريزما said...

تحباتي

princess dodo said...

يعنى قلتى هضيفك
وهبعت كمان رقم موبايلى
ومبعتيش حاجة

والله وحشاااانى اوووووى

وضفتك ع الفيس بوك من زمااان

طمنينى عليكي ياجميل

truelove said...

تصدقي كنتي سبب في ادخال البهجة لقلبي والله لما لقيت تعليقك كل عيد حب وانت حبيبة وانتي محبوبة وانتي في قلوبنا واحنا دايما نحب بعض بحبك قوووووووووووي وياريت اشوفك قريب

ابوعدي للتسوق said...


شركة تنظيف بالقطيف
شركة كشف تسربات المياة بالخبر
شركة مكافحة النمل الابيض بالقطيف
شركة تسليك مجاري بالقطيف
شركة تنظيف مجالس بالخبر
شركة مكافحة النمل الابيض بالجبيل
شركة تنظيف بالخبر

المثالي اون لاين said...








شركة مكافحة حشرات بالدمام
شركة تسليك مجاري بالدمام
شركة المثالية للتنظيف
شركة المثالية لتنظيف المنازل
شركة المثالية لتنظيف المنازل بالدمام
شركة المثالية للتنظيف بالدمام
شركة تنظيف بالقطيف
شركة تنظيف منازل بالقطيف