Thursday, February 7, 2008

حذروا فذروا انا مين يا ولاد؟؟؟

يادى الكسوف ويادى الاحراج....فاكرينى يا اولاد ولاآخدها من آصرها واستأذن وامشى.....ها انا هاتكلم وكلة على اللة

اولا السلام عليكم ورحمة الله وبركاتة......اما ثانيا فوحشتونى بشكل جامدجدا جدا ...حد لطيف هيقولى وهو انتى مين اصلا ....ياااااااااه داانتوا قلبكوا اسود قوى بجد يا اولاد نستونى اية يعنى ما كانوش 3 شهور صحيح انا عوقت شوية او شويتين او حتة 3شويات بس مش مهم اللى فى القلب فى القلب ومش معقول هقعد اعرفكم على نفسى من الاول لا لا لا مش قادرة اتخيل انا جايلة لكم مخنوقة خلقة



مهم بجد وحشتونى كلكم عاملين اية والحياه عاملة معاكم وفيكم اية....هحاول اختصر لكم الفترة اللى فاتت اللى امتنعت فيهاعن التدوين..باختصار شديد جدااااا اصبت بحالة من الاحباط وعدم ارالرغبة فى التعبير عن ما بداخلىوهذا اسوأما فى الموضوع...ما علينا المهم انى لم اكن استطتع حتى القراءة فى اى مدونة اخرى الا فى اضيق اضيق الحدود...وحاولت تخطى ذلك بمحاولة الكتابة وفشلت فشل زرييييييييييييييع...المهم ارجع واقول لكم وحشتونى نفسى الاقى الوقت وادخل كل المدونات واقرا كل اللى فاتنى واعلق علية.....وعايزة اشكر اوى اوى اوى اوى اوى اوى اوى اللى سالوا عليا اثناء غيابى واهتموا بذلك لهم منى كل الحب وكل التقدير واخص بالذكر دودو والقلم السكندرى ى وروك يور مايند واحسا س لسة حى..وايضا طهقان



وعندى مناسبة حلوة قوى بكرة وهى عيد ميلاد زوجى الحبيب.....كل سنة وهو طيب وسعيد وزى الفل وربنا يخلية لياانا والاولاد وما نتحرمش منة ابدااااا قولوا آميييين وبعدها بحوالى اسبوعين نحتفل بمرور 12سنة على اول لقاء لينا........وبفكر بهذة المناسبة الميمونة ان انا احل الكيس وزى بعضة ان شا اللة ما حدحوش وهو احنا هنعيش كام مرة... ويالا اهى مرة فى السنة......هييييييه دنيا قصدىومالة عادى يعنى...المهم مااطولش عليكم بفكر اعمل... اعمل..... اعمل....كيكة والله العظيم زى ما بقول لكم كدة... ولا بفشر ولا حاجه وانا قدها وقدود وان ما كنتش اعمل للافندى بتاعى اعمل لمين.......وكل سنة وكلكم طيبين ووحشتونى جداااا وبحبكم جدااا

17 comments:

princess dodo said...

ازيك يا سوسو
وحشانا يا قمر
وليه بس كانت الغيبة دى
ربنا ما يجيب احباط ابداً
ويخلى أيامك كلها أعياد
ومناسبات حلوة كتييير

.
.

مستنية بقا نصيبى من الكيكة
ده غير الربع جنيه المخروم
لأنى صاحبة التعليق الأول
:)

سلام يا جميلة

sa7arkash said...

دودو اية الانوار دى والله زمان يا جميلة...وحشتينى جدا عاملة اية واية الاخبار؟؟ ومرسى على سؤالك يا سكر...ما اتحرمش منك

rack-yourminds said...
This comment has been removed by the author.
rack-yourminds said...
This comment has been removed by the author.
rack-yourminds said...

حمدالله علي السلامه ايه الغيبه الطويله دي ..دخلت كتير عندك ومكنتش بلاقي موضوعات جديده ,يا ريت لا تتأخري علينا في كتابة موضوعات جديده

ثانيا :باين علي حضرتك دمك خفيف جدا ربنا يحفظك

كل سنه وزوج حضرتك بصحه وبسعاده والاسره كلها يارب

بقول لحضرتك ايه ممكن تديني حتة كيكه اصلي انا نفسي في حته صغنونه ههه

Sherif said...

العزيزة سحر

حمدالله عالسلامة دى كلمة قليلة جدا جدا عليكى

لم افقد الأمل فى عودتك .. يبدو ان البلوجرز لايستطيعون الهروب وإن حاولوا
ثانيا .. كل سنة وانتم كلكم طيبين وفى صحة وسعادة .. ربنا يجعل ايامكم كلها اعياد

ثالثا وده المهم .. يعنى اعياد .. وكيكات وحل كيسات .. ومافيش مرة اتفضلوا ان شالله حتى كوباية شاى ؟

تحياتى

New Image said...

حمد لله ع السلامةايه الحلاوة دى هو فيه كده حيبقى ف البيت وع النت كمان ،يالله مش مهم طالما فيها كيكة للعيال و فلوس لى، خللى بالك الكيكة للعيال .. ماشى.. انا معدتى مش ناقصة، حمدا لله ع السلامة و كل سنة وانت طيبة يا جميل

sa7arkash said...

rack-yourminds
ياسيدى ربنا يخليك على مرورك وسؤالك الدائم...ومرسى على كلامك ومجاملاتك الرقيقة..ووانت طيب وعقبال عندكم جميعا

وبخصوص الكيكة دة اللى انا كنت خايفة منة..اصل الحاجة لما بتتنظر..بتقل بركتها..ما بالك لما انتوا تاكلوها العيال ياكلوا اية؟؟؟؟

لا والله كان يا ريت ينفع وانا اعمل لكم واحدة فاميلى سايز..دة انتوا تنورونا

sa7arkash said...

sherif
الله يسلمك ويخليك يا رب..وواضح فعلا ان الموضوع صعب الاقلاع عنة

ووانت طيب ومرسى على ذوقك..وبخصوص الشاى ولا يهمك شاى وجاتوة وتورتة وبيتزا وساليزون ....ها خلاص ولا لسة عندك مكان فاضى...انا ممكن ازود ساندوتشات وحاجات ساقعة...طالما كلة على النت اعزم بقلب جاااامد....هاهاها

sa7arkash said...

new emage
يا سيدى مش معنى انة عيد ميلادك انك تتدلع علينا كده
وبعدين ابقى اشوفك بتمد ايدك على الكيكة..مع انها اتمدت واللى كان كان....واقعد على جنب بمعدتك التعبانة دى
وكل سنةوانت طيب يا دودو...

New Image said...

عاشت ايديكى الكيكة فاقت التوقعات والف شكر ع كل حاجة لان كل الحاجات اكتر من السعادة بشوية ...ثانك يوووووووه

عصفور المدينة said...

الأستاذة الطيبة سحر حفظك الله وحمدا لله على سلامتك وأعتذر كثيرا عن عدم السؤال وذلك لأن هذه الفترة السابقة هي فترة ضغط عمل شديد عندي وقد قصرت مع الكثيرين وهم يعذرونني ولم يتبق إلا حضرتك فأرجو السماح وقطعة من الكيك

عصفور المدينة said...

الأستاذ
New Image
تهنئة قلبية حارة بمناسبة حصولك على الكيكة
:)

sa7arkash said...

عصفورالمدينة
مش بقول لك استاذ ورئيس قسم..خطفتنى بالكلمتين دول ..الطيبة وحفظك الله

يالا زى بعضة..المسامح كريم..وكلمتى هتنزل الارض المرة دى لكن المرة الجاية لا ممكن ابدااا...
نورتنا وكل سنة وحضرتك طيب وواللة بسعد وبستفيد جدااا من مدونة حضرتك

جزاك الله خيرا..ومتشكرين على السؤال..او قصدى على الاجابةهاهاها

momken said...

حمدالله على السلامه

وكل سنه وانتم فى سعاده وحب

بس صرفتى المره دى كيكه مره واحده

بعزقتى يا سحركش ايه الاصراف ده

ولا على رائيك ياللللللله محدش واخد منها حاجه

وكمان جامعه تلت مناسبات فى مناسبه واحده
عيد ميلاد شريك حياتك
وعيد الحب
وعيد زواجك

ياسلام عالبعزقه

كييييكه
طيب الف هنا ياستى

تحياتى

sa7arkash said...

momken

يادى النور يادى النور

اللة يسلمك يا سيدى وربنا يخليك

وبعدين انت فهمتنى غلط دى مناسبة واحدة...عيد الميلاد عيد الجواز مش دلوقتى..ده اول لقاء

وبعدين عيد الحب لة اشعار أخر
نورتنى

ono said...

بعد الشر عليك من الاكتئاب ياقمر انشاله الوحشين وكمان ف حد فالدنيا يبقى معاه مالوكة هانم ويبقى مكتئب دأنت معاك الحب كله ياباشا مش بحسد والله وكل سنة وزوجك الطيب بألف صحة وسلامة وبرغم ان أحنا حبايب بس راحت علينا الكيكة ماشي ياسيدي نعديها المره دي