Monday, October 22, 2007

يالا.....مش خسارة فيكم........بس بجد تحفة


شعر الرئيس.. إهداء إلى شعب

ياشعبي حبيبي ياروحي يابيبي ياحاطك في جيبي يابن الحلال

ياشعبي ياشاطر ياجابر خواطر ياساكن مقابر وصابر وعال

ياواكل سمومك يابايع هدومك ياحامل همومك وشايل جبال

ياشعبي اللي نايم وسارح وهايم وفي الفقر عايم وحاله ده حال

احبك محشش مفرفش مطنش ودايخ مدروخ واخر انسطال

احبك مكبر دماغك مخدر ممشي امورك كده باتكال

واحب اللي ينصب واحب اللي يكدب واحب اللي ينهب ويسرق تلال

واحب اللي شايف وعارف وخايف وبالع لسانه وكاتم ماقال

واحب اللي قافل عيونه المغفل واحب البهايم واحب البغال

واحب اللي راضي واحب اللي فاضي واحب اللي عايز يربي العيال

واحب اللي يائس واحب اللي بائس واحب اللي محبط وشايف محال

واحبك تسافر وتبعد تهاجر وتبعت فلوسك دولار او ريال

واحبك تطبل تهلل تهبل عشان ماتش كوره وفيلم ومقال

واحبك تأيد تعضض تمجد توافق تنافق وتلحس نعال

تحضر نشادر تجمع كوادر تلمع تقمع تظبط مجال

لكن لو تفكر تخطط تقرر تشغلي مخك وتفتح جدال

تبدأ تشاكل وتعمل مشاكل وتنكش مسائل وتسأل سؤال

وعايز تنور وعايز تطور وتعمللي روحك مفرد رجال

ساعتها حجيبك لايمكن اسيبك وراح تبقى عبره وتصبح مثال

حبهدل جنابك وادلع اللي جابك وحيكون عذابك ده فوق الاحتمال

وامرمط سعادتك واهزأ سيادتك واخلي كرامتك في حالة هزال

وتلبس قضيه وتصبح رزيه وباقي حياتك تعيش في انعزال

حتقبل ححبك حترفض حلبك حتطلع حتنزل حجيبلك جمااااال

منقوووووووول

21 comments:

احساس لسه حى said...

عزيزتى
ايه الكلام الجامد ده
انتى كده عاوزه تروحى وراء الشمس
على العموم لازم تطمنينا عليكى دايمن
هو تحفه بجد
الواقع المر كله حاجة تضحك وبعد شويه تبكى حسبى الله ونعم الوكيل
منقوووووووووول منين
مش تقولى
تحياتى
سلااااام

Unknown said...

يا رب يا ساتر انا ادخل برجلى اليمين اصلى بأخاف من اللى يجعل كلامنا خفيف عليهم، انا قلبى معاكى و الله هو الكلام مش بطال يعنى شعر كويس ، لكن تقيل قوى ،ذنبه ايه حكم ماتش السنغال عشان يحصل له كل ده ، يا الله خير ان شاء الله و بكره نقعد ع الحيطة ونسمع الزيطة

فى القلب said...

الراجل الى فقيه ده فلقنى اوى يا

أختشى

حد يشيله من ادامى السعادى

أنتى بتأكليه اه بالظبط يا سوسو

يلا باى هو انا ناااااااقصه

sa7arkash said...

احساس لسة حى
شفت اية رايك...مش تحفة دة وصل لى فى ميل فأخدتة وعملتة بوست علطول

وبعدين ما تقلقش الرب واحد والعمر واحد.....وبعدين هو دة كلامى




دة منقووووووول

sa7arkash said...

ايمدج باشا
اية الانوار دى كلها
ادخل يا سيدى وما تخافش احنا مبخرين الحتة.....اللهم احفظنا

تف تف تف تف

ذنبة اية؟؟؟
ذنبة على جنبة طبعا مش محتاجة ذكاوة...المهم جنبة هيستحمل


وما تخافش مش هتسمع حاجة.....الابواب مانعة للصويت...قصدى للصوت

sa7arkash said...

اوشة المجرم

هو مين اصلا الراجل دة يا اختشى

ولا اعرفة...

الا ما قلتليش انتى ناقصة اية؟؟؟

Unknown said...

HAPPY BIRTHDAY YA GAMEEEL ,2obal el 25 years ensha2 allah

ta5areef said...

لأ على فكرة خسارة فينا

تحفة تحفة يعني

حتقبل ححبك حترفض حلبك حتطلع حتنزل حجيبلك جمااااال

حلوة قوى الحتة دى

مش باقولك هو خسارة فينا

sa7arkash said...

image

ha ha ha

latef

any way we enta tayeb
3o2bal awladk
fe 7ayatk ya rab

sa7arkash said...

ايمدج
وبعدين انا عاوزة افهم انت قاعد فى شغلك...ولا فى نت كافية

حسابنا فى البيت

sa7arkash said...

تخاريف دكتور

شفت ازاى
انت هتعرف مصلحتك اكتر منهم؟؟؟

يالا اياكش يتمر

نورت

اسامة يس said...

جميل وساخر ومضحك ومبكي ... فهذا هو الحال .. لم يحد عنه الشاعر اقصد الرئيس هههههه قيد انمله ...

شكرا على نقلكم القصيدة..
دمت بكل ود...
خالص تحياتي

sa7arkash said...

osama
اشكرك على الزيارة والتعليق



وهيييييييييييييييه

آدى حال الدنيا هم يضحك وهم يبكى

تلك هى الحياة

بس الحمد لله ان الريس دة مش بتاعنا احنا....احنا الوضع عندنا مختلف تماااااام الاختلاف....ولا اية؟؟؟؟

hana said...

ايه دة كله
شكلنا هناكل عيش وحلاوة قريب
ههههههههههههههه
لازم نتفق بقى من عليه العيش ومين الحلاوة
والميا الساقعة ههههههه
لا بجد كلام جميل واقع للاسف
تحياتى وتقديرى لك عزيزتى
وسعيدة بأنك نورتينى

sa7arkash said...

HANA

العيش غلى قوى اليومين...والحلاوة كمان


يبقى انا عليا
المياة الساقعة
ويارب منورانى دايما ياقمر

القلم السكندري said...

هتقبل هحبك هترفض هلبك***هتطلع هتنزل هجيب لك جمال



بصراحة كلام من الاخر

تسلم الانامل اللي كتبته واللي جابتهولنا ونقلته

دمت بكل خير

تحياتي

sa7arkash said...

القلم السكندرى

واخد بالك انت

شئتم ام ابيتم

ناس بقة فاهمة هى بتعمل اية
واحنا حيا الله مواطنين

بس ارجع واقول لك هما ادرى مننا
وما تقولش اية ادتنا مصر
واول طلعة جوية

مش بقولك انتم مش فاهمين حاجة

من خاف سلم يا اخويا

نورت

واحده من الناس said...

حلوه موووووت
مع اني قاريتها قبل كده بس كل ماقراها على قد ما بتوجع على أد ما بضحك
ماهو زي مافي هم يبكي في هم يضحك

أسعدتني زيارتك
مدونتك لذيذه وأكيد ليا عوده

sa7arkash said...

اوشة
اللى هتفضل ان شاء الله نعنوشة

نورتينى بزيارتك
وعايزة اطمئن عليكى

اخبار مزاجك دلوقتى اية

ربنا يطمنى عليكى

القلم السكندري said...

أيوة علي رايك

احنا هنفهم اكتر من الحكومة؟؟

ربنا يرحمنا برحمته

حبة حاجات (ايمان) said...

انا سمعتها قبل كدا بس برضه منك ليها طعم تانى

تحياتى ليكى