Sunday, October 28, 2007

حنين.....اشتياق.....حب.....سهر.....حلم.....دموع.....خصام.....حيرة.....صلح......فراق.....رجوع.....قلب.....حضن.....حضن.....حضن



بحبك...وحشتينى..نفسى اشوفك..ماقدرش اعيش من غيرك..اوعى تبعدى عنى..اوعى تسيبينى..انتى احلى واحدة فى عينى ..بموت من الغيرة وانتى بعيد عنى...هااعيش احبك اعيش احبك..واموت احبك اموت احبك



نفسى اسمع الكلام دة..واحس المشاعر دى تانى...نفسى اعيش كل مشاعر الحب...تانى



كل هذة الكلمات قالتها والدموع تغمر وجهها...ولم تجد غير كفيهاالمنهكتان حتى تحتضنا هذا الوجة الذابل......ولم يكلف هو نفسة عناء السؤال عن اسباب هذة السيول من الدموع.......ولكنة اكتفى بالنظر اليها فى تعجب مفتعل ومتعمد.....وابتسم ابتسامة ذابلة ثم اشاح بوجهه



بعيدا....كانما اراد ان يقول لها لا تنتظرى منى اى مظهر من مظاهرالاحتواء...ولا التعاطف...ولاادنى مظاهرالتفاعل



وكم كانت تتمنى ان يأخذها بين ذراعية ويحتضنها ويغمرها بقبلاتة..ويمسح عن وجنتيها تلك الدموع ....ويمسح عن قلبها تلك الجروح






كانت تتمنى وتتمنى وتتمنى........وكان يبعد ويبعد ويبعد



وقتل فيها كل المشاعر....وماتت...



فقد كانت ما هى الا كتلة من المشاعر




اشتقت اليك فعلمنى الا اشتاق...علمنى كيف اقص جذور هواك من الاعماق

35 comments:

sa7arkash said...

مساء الخير عليكم

بعتذر عن الاخطاء الموجودة


سحركش

Sherif said...

أنا أول تعليق
لى هدية

أحيانا أتعجب لماذا نستعذب الألم .. ولماذا أجد تعبيره مع اكثر البنات حيوية وانطلاقا فى الحياة ؟

princess dodo said...

مش بيقولو ياسوسو
ومن الحب ما قتل

حالة الفراغ العاطفى
والخواء بتبقى حالة صعبة
أوووى بجد فعلا

حتى لو مش علاقة حب عاطفية
متهيألى لازم يكون فى حب
بأى شكل وأى حجم
عشان أرواحنا تتحس


جميل يا سوسو

sa7arkash said...

sherif

طبعا ليك هدية...انت تأمر
احيانا فعلا نستعذب الالم

ربمالتمسكهن بالحب رغم كل المعوقات
وللضعف الطبيعى المصاحب لطبيعة الانثى

فعندما تشعر الفتاةبالحب الصادق...تتحمل الكثير لانجاح هذة العلاقة

sa7arkash said...

دودو الجميلة


فعل يا دودو لازم نحب وبقوة ...مش شرط حب راجل وامراة

ساعات الصداقة القوية جدا بتغنى عن مشاعر سلبية كتير...لان احساس الخواء دة هو اللى بيخلى الانسان ينخرط فى مشاعر غير حقيقية

مشكورة جدا لمرورك

rack-yourminds said...

كنت هقول معقوله فيه ناس بالقسوه دي ,بس استدركت وقلت ايوه فيه ناس بالقسوه دي بل اشد قسوه من الحجاره

بس انا هسأل شخصيه بالصفات دي يتحب ازاي !؟
وايه هي الدواعي اللي خلتها تحب انسان بالصفات دي

ده الواحد احيانا لما بيشوف دموع انسان اذاه وبيكرهه بيحن وبيعطف عليه

فما بالنا بانسانه بتحبه وتبكي عشانه!!!

سيدتي في هذا الزمن لا تستغربي اي شئ

تحياتي لكي وبوست جميل وحساس

تسلم ايدك

sa7arkash said...

rack-yourminds
اولا مرسى على ذوقك

ثانيا...في ناس بتسعد بعذابات الآخرين وبيشعروا بقوتهم بهذا الطريق

وبجد فى ناس قلوبهم اقسى الف مرة من
الحجارة

ربنا عز وجل قال لنا كدة
وربنا يكفينا شر هذة القلوب


ونورتنى

truelove said...

قلبي وجعني قوي وانا بقراء البوست وحاسة ان هناك دموع تتساقط بين السطور تحتاج من يجففها قبل ان تبلى الورقة التي سطرت عليها هذه الكلمات تحياتي ليكي ولكلماتك المعبرة

sa7arkash said...

truelove

سلامة قلبك الف سلامة يا جميل


ووالله تعبيرك انتى عن السطور دى احلى من اللى مكتوب فيها

تسلمى يا جميلة

احساس لسه حى said...

عزيزتى
ليس المشكله ما نتمناه نحن المشكلة ما يتمنانا ويتمنا هوانا
وحش جدا ان تضعف المراه امام من تحب فكثيرا من الرجال يستغلون هذا الحب
لاكن هكذا المراه تحب بضعف
تحياتى يا جميل
سلاااام

أوشــــــه said...

أصحاب المشاعر الحيه
عمله نادره جدا ومهددون بالانقراض

البوست جميل ومؤثر وللأسف واقعي

sa7arkash said...

احساس لسة حى

يا اهلا يا اهلا

عندك حق

وحش قوى ضعف المراة امام حبها...وانا ضد اى مشاعر سلبية بتهدم مش بتبنى

لان الحب لو مش بيبنى...يبقى قلتة احسن

نورتنى
ومنورنى دايما

sa7arkash said...

اوشة


ازيك يا جميل

وازى المزاج دلوقتى

وفعلا زى ما بتقولى ..بس انا شايفة انهم انقرضوا فعلا..مش لسة مهددين



الواقع بيقول كدة

تحياتى يا جميل

فى القلب said...

حتى الناس ألى قلوبها حجر امام المشاعر الفياضه دى لازم يلينو

فعلا يا سوسو أنا عارفه و احده
كتله مشاعر كانت و مازالت
بس بتصبر نفسها و تقول خلاص اتغيرت عشان تهدى الأنفعلات جوها
لكن صدقنى لسه كل حاجه فى مكنها و لسه الاحساس عالى أوىىىىىى
بس العيب مش فى البث العيب فى المستقبل

sa7arkash said...

لآ لآ لآ

طبعا العيب فى البنت

اللى تحط مشاعرها بين ادين ما تستاهلش...تستاهل اللى يجرى لها
ولازم نتعلم نتحكم فى مشاعرنا...كفاية رومانسية واحلام وخيالات فاضية وانتظار مجهول مش هيجى ....واللة عمرة ما هيجى....لو كان هييجى



كان جة من بدرى

اية رأيك شفتينى وانا عاقلة كدة ورزينة؟؟؟

sa7arkash said...

طبعا الرد اللى فات لحبيبتى فى القلب


وعايزة اقول لك حاجة بخصوص البوست بتاعى وبتاعك


ان كل .....فية اللى.....هههههه

truelove said...

منتظرة رياك بصراحة على البوست الجديد

القلم السكندري said...
This comment has been removed by the author.
sa7arkash said...

true love

حالا يا قمر هاكون هناك....واقول لك رأى بمنتهى الصراحة

sa7arkash said...

القلم السكندرى

حمدالله ع السلامة
ها انت فين غرقت ولا لسة؟؟؟

على فكرة المحافظة على العلاقات الانسانية سواء بين المحبين او الاصدقاء او الاقارب او الجيران


لابد لها من جهد متبادل من الطرفين للابقاء على نقاء واستمرارية هذة العلاقة


.
.
.
بخصوص النصيحة اياها..من قلبى والله جرب ومش هتندم...

القلم السكندري said...
This comment has been removed by the author.
O S A M A said...

التف وادار وجهه
ملوحا غير مباليا
بها
احتباس للدموع عن اخرها
داخل تلك العينين
الى ان
تنهمر
وتبكى وتبكى
تتعطش لكلمه رقيقه
حضن دافىء
ضمة يد
وهو ينظر اليها من بعيد
يتركها على حالها
ويرمى وراء ظهره
كل ما قدمضي
ويرحل
تاركا لها
الوحده
والفراغ
والتعطش اليه

.................................


جميل ما خططتى يا سحركش
اول زياره ليكى ولكن مش الاخيره باذن الله

تحياتى

sa7arkash said...

osama

متشكرة جدا على زيارتك

وكلامك معبر جدا عن الحالة الشعورية اللى بتكلم عنها

اشكرك على المشاركة

شرفت بمرورك

عصفور المدينة said...

يا استاذة أنا قرأت البوست ده في حينه
بس أنا مش متعود على البوستات العاطفية

:)


وبعدين مفيش حد قالك إني كنت مريض ماهو انت مش بتزورينا برضو

sa7arkash said...

عصفور المدينة

يادى النور يادى النور

يا سيدى مرة عواطف من نفسى....يعنى مالناش نفس



وبعدين الف سلامة عليك والله ما اعرف...مع انى بزورك باستمرار

جايز بس انشغلت فترة بسيطة...بس الحق عليا الف سلامة

نورتنى

الربان said...

تحياتي

ليس كل ما يتمناه المرء يدركه...و من الافضل الا نسرف في مشاعرنا...بل نمزجها بواقعنا....حتي نحيا سعداء...

و دوام الحال من المحال...فالعواطف المتقدة لابد ان يأتي يوم تخمد فيه..او تكون أقل ... لانها سنة الحياة ...و العمر الذي نحياه...ففي طور الشباب تكون العواطف هي القائد و المحرك...و في طور الثلاثينيات و ما تلاها يبدأ العقل في إعمال التفكير الواقعي...

تحياتي و شكري و تقديري

sa7arkash said...

الربان

اولا مشكور جدا على مرورك الكريم

ثانيا مشكور للنصيحة الغالية وهى مزج المشاعر بالعقل للحياة بسعادة

مصطفى السيد سمير said...

مثلما تطرد الغيوم الغيوما
الغرام الجديد يمحو القديما

ملقتش غير كلام نزار عشان اتكلم على جرح شبه جرحي قوي
ومشكلة قريبة مني

sa7arkash said...

مصطفى السيد سمير

سعيدة بتشريفك

اختيارك لبيت الشعر جميل جدا


اسلوبك جديد ومميز...
عرفت دة لما زرت مدونتك
نورتنى

امرأة تقول الذي لا يقال said...

ليتهم يعلمونا.. كيف لا نشتاق

sa7arkash said...

امرأة تقول الذى لايقال

شرفتينى بزيارتك

بس هما عمرهم ما هيعلمونا

احنا لازم نعلم روحنا

انا زورتك..وعجبنى اوى...كن ربيعا لاحبك.....جميل

بس ما عرفتش اسيب كمنت مش عارفة ازاى

Esmat said...

الحب الحقيقى قل اوى الزمن ده
والبنت لازم تعرف الولد اللى أدامها
قبل ماتندفع بعواطفها
لان مش كل الناس صادقين
على فكرة حتلاقى من الطرفين كمان
فيه الموضوع ده بالنسبة لهم تسالى
فيه أولاد إنخدعوا من بنات
أدعو معكى أن ينتهى الزيف
وأن ترق القلوب
وكل قلب مليان عواطف حلوه كده
يجد مثيله
سعيدة بالتعرف على مدونتك
رقيقة هى وتحياتى لكى

horas said...

ايه الاحاسيس الجامده دى ياعم
منتهى الرهافة
ومنتهى القسوة من طرف آخر
قصة متكررة
بس انتى كتبتيها حلو اوى

على فكرة
انا مقدرش على زعلك

sa7arkash said...

حورس


اضحك عليا بكلمتين حلوين وكل بعقلى

حلاوة....مااااشى هعديها بمزاجى

عودا حميدا يا سيدى

وشد حيلك فى الامتحانات

وابقى خلينا نشوفك...موضوعك الاخير تحفة بس انا غلست وما رضيتش اعلق..دلوقتى ممكن اروح اعلق



شغل عيال بقة
نورتنى

sa7arkash said...

esmat

يا اهلا يا اهلا
نورتينى يا جميل

وعندك حق...لم يعد القلب الجامد والمشاعر المتحجرة حكر على الرجال فقط...بل اصبحت النساء لها صولات وجولات فى هذا الامر

تحياتى