Thursday, October 18, 2007

وحشتوووووووووووونى.........موووووت

وحشتونى..وحشتونى..وحشتونى
بجد والله وحشتونى جدا جدا جدا...ومتشكرة جدا لكل واحد سأل عليا طول فترة غيابى اشكركم للمرور واشكركم للمتابعة واشكركم للاهتمام.......وان شا الله ما اتحرم منكم بجد افتقدت كل الأصدقاء..اشعارهم الجميلة..مواضيعهم الانسانية..تهكماتهم السياسية...كلامهم فى الحب ... كلامهم فى الدين ونصايحهم الغالية.....تعليقاتهم عندى وعند بعض.... بجد كلكم وحشتونى وافتقدتكم كلكم حتى اللى ما حسش بغيابى..والله افتقدت الجميع اما سبب تأخرى عنكم هذة الفترة هو انى أخذت عهد على نفسى طيلة رمضان ما افتحش النت خاااالص..وكنت بفكر فى الكل واسال يا ترى فلان عمل اية ...وفلانة الرقيقة كتبت اية..بس مسكت نفسى عشان العهد اللى أخدتة لنهاية رمضان...وربنا يتقبل مننا جميعا...وعيد سعيد ع الكل وتابعت شوية من اصدقائنا الغاليين ولسسة هكمل الباقى.........واقول لكم تانى ...بجد وحشتونى..وحشتونى



24 comments:

عصفور المدينة said...

وانت أيضا يا أستاذة
ونورتينا ممكن ناكل من البتي فور
ول للعرض فقط
كل عام وأنت بخير

rack-yourminds said...

كل سنه وحضرتك طيبه والاسره كلها يارب ..معلهش متاخره شويه

horas said...

وانتى كمان وحشتينا اوى يا سحركش يا جميلة
بس قوليلى
هو النت حرام ولا ايه؟؟

sa7arkash said...

الاخ العزيز عصفور المدينة
منورة بوجودك والله....وبعدين بالنسبة للبيتيفور دة سؤال....اخص عليك هو انت غريب ....طبعا


للعرض فقط


وكل عام وانت بخير

sa7arkash said...

rack-yourminds

وانت طيب وبصحة وخير دايما

وولا يهمك..كل تأخيرة وفيها خيرة

sa7arkash said...

حورس العظيم
ازيك
منورنا
بص يا سيدى

النت لاهو حرام ولا حاجة طول ما انت بتحسن استخدامة..وبتتقى شرة
بس زى ما انت عارف انا ام وست بيت وكمان بشتغل...وعلشان اعرف اظبط المهام دى مع النت فى رمضان صعب قوى..عشان اعرف اصلى بالسنن واصلى قيام واختم القرآن...والقعدة ع النت بتسرق الوقت عشان الحق اقرأالكلام الجميل اللى انتوا بتكتبوة

وقبل اى كلام لو النت حرام مش هعملة فى غير رمضان والا اكون منافقة


أسفة ع التطويل
بس اية الشغل الجامد اللى عندك دة

sakayar said...

انا اسمي مكتوووووب؟؟؟
شفت دخلتلك تاني أهه ... فيه أكتر من كده بقى؟؟؟
يا رب كل عام وانتم بألف خييييير
رديت على كومنتك عندي وفيه تااااج جديد سرقه من عمو محمد عصفور المدينة ... ابقوا جاوبوا علييييه

sa7arkash said...

هههههه

يا محاسن الصدف
انا لسة راجعة من عندك حالا لقيتك سايب لى الكمنت دة ....رب صدفة خيروووون من الف ميعاد

وعلقت لك ع التاج المسروق

وربنا يكرم واجاوب علية
ومتشكرين ع الزيارة
وان شاالله مرسى وان شاالله دايما

فى القلب said...

و أنتى كمان و حشتتتتتتتتتيييييننننننا حيييييييييياه

لقيتها أحسن من موت
هههههههههههههه

يلا بقه ارجعلنا و كسرى الدنيا مفتقدينك للغايه

و مرسى اوى على البتيفور الروعه من كتر طعامته زت حوالى كيلو و نصف شليه من قدامى يا سوسو منتى عرفانى

sa7arkash said...

اوشة الجامد
وحشتينى يا جبانة...
وبعدين ما تلزقيش الكيلو ونص فيا....وبعدين انتوا لية شايفينة بيتى فور...وما حدش شاف الحضن خالص


دى كيكة ملفوفة بحضن...وحشتينى
وليكى منى الف حضن

ta5areef said...

حمدا لله ع السلامة

sa7arkash said...

تخاريف دكتور


الله يسلمك
ونورت
وشكرا جزيلا على المرور

truelove said...

الغالية حبيبة الغالية انا اقصد بحبيبة الغالية اوشا تسلمي ياغالية وميرسي لتشريفك للمدنوة وربنا يعزك ويارب اكون زي ما انا اتمنى يارب وسلامي ليكي انتي واوشا

Doaa Ebrahim Aaql said...

حمد الله على سلامتك ياقمر
أنا مبسوطة أوى إنك رجعتيلنا
بس أوعى تت؟اخرى علينا تانى كده

كل سنة وانتى طيبة
ويارب دايما بخير


سلام يا جميلة

sa7arkash said...

truelove

ربنا يخليكى يا سكر
والشرف ليا انا يا حبيبتى
وانتى كمان غالية من طرف ناس غاليين


وربنا يديم المحبة
ونورتينى بزيارتك

sa7arkash said...

دودو الجمييييييييييييييييييييلة

الله يسلمك يا قمر
وربنا يخليكى على اهتمامك ومرورك الدائم
وانا متابعة جيدة جداااا لشغلك

وكالعادة اكتر من رائع....ومشحتفانا وراكى علطول
ربنا يصلح حالك ويسعدك يا دودو


على فكرة دودو دة دلع ابنى الكبير

Anonymous said...

أنا أول مرة اتشرف بيكى
يارب على طول

من البوست اللى فات فترة كبيرة ماكتبتيش

ربنا يسعدنا بوجودك دايما ومرسيه على مرورك

أحساس لسه حى...كلام من جوه روح لكل روح said...

عزيزتى
حمد الله على السلامه
كل سنه وانتى طيبه وعيد سعيد وايام جميله ان شاء الله
معلش مسالتش عن غيابك اصل بقه الغياب كتير اوى فى البلوجات من غير ما يقولوا ليه بيغيبوا كده
تحياتى واديبها بقه بوستات جامده
سلااااااااااااااام

hana said...

حمد الله على السلامة

القلم السكندري said...

أخيييراً نورتينا؟؟


حمد لله علي السلامة

افتقدناكي كتير جدا

عودا حيمدا ان شاء الله

وربنا يتقبل منك

وكل عام وانتي والأسرة كلها بخير

sa7arkash said...

sherif

الفنان العظيم اية النور دة

الشرف لينا احنا يا فندم

ودايما منورنا بمرورك

sa7arkash said...

اساس برضوا حى

وانت طيب يا سيدى
ومبروك على البلوج الجديد

وولا يهمك الناس كلها مشغوليات
وكفاية مرورك دلوقتى

sa7arkash said...

هنا
الله يسلمك يا حبيبتى
وسعيدة بمرورك
ودايما تنورينى

sa7arkash said...

القلم السكندرى

منورة بوجودك
والله يسلمك..وكل سنة وانت طيب

ودايما تسعدنا ببوستاتك الجميلة
ودايما مشرفنى بمرورك