Sunday, September 9, 2007

الحاجة.....شقة

ردا على اوشا الجميلة..حبيبتى وحببتنا جميعا ......احكى لكم اللى حصل معانا فى الويك اند اللى فات.....على اعتبار ان دايما فى ويك اند وناس بقى عايشة وبتستمتع بحياتها كركركركرككر ههههههههه

المهم ما اطولش عليكم...ونخش فى الموضوع
والكلام ليكى يا ست اوشة..........بقى كدة يا اوشا تفضحينى على الفضائيات والقنوات المفتوحة والاقمار الصناعية والطبيعية.........ما كانتش يعنى غدواية فى احلى حتة فى الكاهرة....على احلى كام حتة كيك........على كوبايتين شاى..........على آيس كريم.......على على على على


وبعدين انا يا ظالمة عايزة المتر ب100 جنى يا ضلالية...انا قلت انا معاكم ل300 جنى.......يعنى ولا فى دماغى ولا بيهمنى...نزيهه وسى الافندى بتاعى نزيه وبنحب نعيش..........وكان فى مثل بيقول ينعل ابو القرش اللى ما ينزه صاحبه........بس انا مقتنعة باللى بيقول ينعل ابو القرش لابو صاحبة........انا سبق وكتبت بوست قبل كده عن الموضوع ده....اللى هو الشقق والاسعار والذى منة بس مش دة موضوعى دلوقتى...................انا فى اوشا اللى شهرت بيا وفضحتنى انا وسى الافندى بتاعى وبعدين هو ده لف...ده احنا لسه بنقول يا هادى...وانا وراها والزمن طويل........مش اوشا طبعا ....الشقة

اما اوشا حبيبة قلبى...فهى نعم الصديكة الصدوكة
مانتحرمش يا اوشا ابدااااا...واجمدى كدة...وصدقينى المستقبل كلة للصحارى والعفاريت....قصدى للمدن الجديدة....الشديدة..
وانا عند وعدى بالخاتم الماس.......ده غير الوعد التانى اللى انتى عارفاة لو كسبت 5 مليون جنية....ليكى منى خاتمين فضة..وآروصة سجاير للافندى بتاعك...وعجلة غاااالية من امه 250 جنية للاولاد....اما بنوتتنا الغالية ياسمين فانتى عارفة هجيب لها اية....ولا اقووووول........ماهو الو......فيه اللى او.....منه
بحبك يا اوشا...وتانى مرة مش عايزيين تسييح على الهوا

24 comments:

احساس لسه حى said...

عزيزتى
ليه اوشا عملت كده
لا اخس عليها
بس هى عمليت ايه بالضبط
بصراحه مش فاهم ولا عارف
سلام

عصفور المدينة said...

انا قلت لها الأمازون مش وحش بس عيبه في الناموس
وبعدين انت طالما وصلت للكتالوجات اللي هي صور مزهرة ومشجرة في بلاد الصحراء
يبقى اطمئني 20 دقيقة من المحور
:)

sa7arkash said...

احساس لسة حى

يعنى لو قرأت بوست اوشا وفهمتة وبالتالى قرأت البوست بتاعى....هتفهم وهتعرف احنا بنتكلم على اية

واوشا هى....
مكان فى القلب

sa7arkash said...

عصفور المدينة
اية الانوار دى
بس مش بالزمةالصحراء مزهرة ومشجرة
وبعدين المسافات مش مهمة على ما تعمر هنكون بنتنقل بالطيارات .....هانت

ومؤقتا انا جبت صاعق ناموس عشان احل مشكلتى...واهى عيشة والسلام
يعنى هى المدن الجديدة اقرب ولا الامازون

فى القلب said...

والنبى يا مودام سوسو
ماتقولى هتجيبى أيه للمحروسه بنتى

أسترى عليا الله يستر عليكى
أنتى معندكيش أخوات بنات ولا أيه

وسيبك من ده كله يا قمر ده أنا أشيلك العمر كله فوووق دماغى وعلى رموش عنيا
ولو تحبى أجى لغايه عندك زاحفه لجل رضاك يا قمر أعملها



ألا قولى يا سو سو هو أخبار الخاتم أيه

horas said...

مادام الحكايه فيها خواتم وهدايا
انا هدور معاكو من دلوقتى
كل سنه وانتوا طيبين
وربنا يديم صداقتكوا
على طووووووووووووووووووول

Unknown said...

ربنا يديم المعروف و يديكى ع اد نيتك و يكسبك ال ملايين و أشوفكم ساعتها واقعين مع بعض للركب

sa7arkash said...

اوشا حبيبى
خلاص...مش هقول
لكن تانى مرة....
.....
....
مش هقول برضة
عشان عيونك يا قمر ...هنلغوش ع الموضوع

وتعيشى يا اوشا..وقدها وقدود
ولا عاش ولا كان اللى يزحفك يا سكر

اما بخصوص الخاتم
؟؟؟؟؟؟
الماس ولا الفضة؟؟؟؟؟

sa7arkash said...

حورس
يلا يا عم ابدأ انت بالبحث وشبكتك عندى
....
وربنا يخليك وتنورنى دايما
وتنورنا بالشعر الجميل اللى بتكتبة

sa7arkash said...

ايمدج اللى هابلنى

فال الله ولا فالك
الشر برة وبعيد
تف يا اخويا من بؤك
......
أيا اية الكلام البيئة دة
شفت اصل الاصل مش بيبان الا فى ساعة ..الغضب
اعمل اية اصلك بشرت عليا انا واوشا....طبعا ما اقصدش الخناق
اقصد بشرت بالملايين

truelove said...

بجد جو حلو حساه فيكم قوي ربنا يخليكم لبعض ويديم المعروف ما بنكم يارب ويارب تبلغي ضالتك يارب

malak said...

كل سنة وانت طيبة ورمضان كريم اعاده الله بالخير والبركات


تحياتى

احساس لسه حى said...

عزيزتى
عرفت اوشا عملت ايه
بصراحه نداله يعنى كل مشوار تخديها فيه
اعتبريه اتذاع على الجزيرة نت
الشهيرة باوشا
تحياتى وان شاء الله هتلاقى شقه تعجبك
كل سنه وانتى طيبه
سلام

rack-yourminds said...

ربنا يديم صداقتكم

كل سنه وانتم طيبين

Doaa Ebrahim Aaql said...

طب انا بأه عاوزه اعرف هتجيبى ايه
مش يمكن يعجبنى واقول لك انا كمان عاوزه

والله انا هبقى مبسوطه اوى لما ربنا يكرمك وتجيبى الشقه هنا
عشان كمان يبقى سهل انى اشوفك

كل سنه وانتى طيبه يا جميله
وبألف صحة وسعادة

Ehab said...

ربنا يوفقكوا وتلاقوا الشقه
كل سنه وانتم طيبين
______________________
نبأ هاااااام
هبه اختي هتنشر اول كتاب ليها في الأسواق يا ناس
والمفاجأه ان الكتاب هو السلسله اللي كانت بتنشرها في مجلة بص وطل
يوميات اتنين مخطوبين "عمر و ساره"
الموقع بتاع بص وطل نشر الخبر وحاطين الصوره وهي بتمضي العقد
استعدوا عشان تشتروا الكتاب
اهم حاجه ان الكتاب فيه بس اللي هي كتبته مش اللي الناس كتبوه
لأن الفكره ناس حاولت تستغلها وتكتب فيها اللي على مزاجهم

صدقوني هتعجبكم قوي
وممكن تقرأو ا الأجزاء الأولى من ارشيف مجلة بص وطل
والحاضر يعلم الغايب والغايب يسأل الحاضر
سلااااااااااااااااااااام

القلم السكندري said...

كل ده ومش عايزين نسيح؟

امال لو كنتي سيحتي

؟؟

كل سنة وانتي طيبة

وابقي شوفيلنا شقتين جنبكم في اي مدينة جديدة انا موافق



مدام الحساب عليكي

Doaa Ebrahim Aaql said...

ايه ياجميل

أنتى رحتى فين كده فى رمضان

طمنينى عليكى

littel angel (2alb el 2ased) said...

حلوة قوى الحتة بتاعت يلعن ابو القرش لابو صاحه...ههههههههههههههههههها
جمدة والله

القلم السكندري said...

الاخت العزيزة سحر

طال تغيبك في الفترة الاخيرة عن مدونتك وعن غيرها من المدونات

نرجوا أن يكون المانع خيرا

ولك موفور التحية

1/10/2007

الأستاذ said...

طيب ربنا يسهل كدة وعلى العيد إن شاء الله تجيبي الشقة وتفرشيها ولا عايزاها مفروشة كمان؟
يلا وأوشا تجيبهالك كأنها العيدية
كل سنة وانتي طيبة وعيد سعيد

Doaa Ebrahim Aaql said...

كل سنة وانتى طيبه يا قمر
عيد سعيد عليكى يارب
ويارب دايما بخير وصحة وسعاده

تحياتى

فى القلب said...

كل سنه و أنتى طيبه يا سوسو

أن شاء الله هلالك يهل بعد العيد و تحكلنا مغامراتك فى العيد

sakayar said...

من 9 سبتمبر لسه مكتبتييييش؟؟؟ لا ده كتير أوي ... وده زعلن على سفري ولا ايييه؟؟؟
ههههههه
يا رب تكونوا تمام اديني دخلت وعلقت أهو علشان متقولوش تقلاااان
رحلة عمل صعبة بس سهلة والله ممكن أرجع قريب وممكن أستمر بس على حسب النفسويات أكتر
الناس هنا مجرد آلات ...مفيش احساس بحاجة ...بيناموا مش مرتاحين ...بيناموا يفكروا هيصحوا يجيبوا فلوس ازاي ... أنا مع المبدأ ده لو في رضى ربنا لكن فلوس من أجل الحياة وخلاص ... مش عيشة دي هعهع
ضحكت كتير على جولة الغسيل اللي في البوست ده
ربنا يسعدكم
كل سنة وانتم طيبين