Monday, July 16, 2007

تصدقوا......او ما تصدقوش انتوا احرار

تصدقوا.. او زى ما قلت لكم ما تصدقوش..انتوا احرار ...ما هى دى الحاجه الوحيده اللى احنا احرار فيها يا نصدق يا ما نصدقش بس المهم بقى ان احنا ما نقولش .. واخدين بالكم ازاى ... ااااايوة كدة المهم اية ..شششششش
نرجع لموضوعنا.تصدقوا ان حتى الاحلام فىبلدنا ليها ناسها ايوة والله ليها ناسها يعنى المفروض قبل ما نحلم نفكر الاول ممكن الحلم دة يبقى حقيقة ويبقى معانا حتى واحنا مفتحين ولا هيفضل واحنا مغمضين وبس..طبعا هما بيحاولوا يفهمونا ان الاحلام باليل بس.. بس انا واعوذ بالله من كلمه انا ..بشوف ان الحلم حلاوته ومعناه الحقيقى وهو بيتحقق.....بس هما ليه بيحاولوا دايما يكسروا الاحلام جوانا..طبعا بنعمل مش واخدين بالنا وبنكمل ..بس مش نافع ...طبعا انتوا فى منتهى العجب من اللى بقوله ومش مصدقين اللى بقوله ومش حاسيين بيه.....واضح واضح....ونفسكم وهتموتوا تعرفوا ولو مثال واحد للى بقولة..يعنى عاوزين توقعونى فى الغلط واتكلم عن احلامنا المسروقه فى العيشة النضيفة فى اماكن بعيد الشر نضيفه...زى اخوانا البعده...وفى اشغال محترمه وفى مستقبل هههه لاولادنا واولادهم ده يعنى لو ربنا كرمهم واتجوزوا وكرمهم اوىىىى وعرفوا يخلفوا...الا ولامؤاخذه فى السؤال .. هى المدن الجديدة اللى لامؤاخذه فى الصحرا..هى لامؤاخذه معمولة لمين ..انا عارفه ان ده تبجح وجرأه وقله حيا منى انى اسأل سؤال زى ده بس من عشمى ...اصل انا لقيت ان الشق.... قصدى الشقه ال50 متر عقبال امالتكم عشان نندفن...قصدى عشان نسكن فيها بمبلغ مكون من 6 ارقام فقلت اقول لكم واهى فرصة يا اولاد نبقى جنب بعض..........يعنى هيبقى لا دنيا ولا اخرة....بسم اللة معايا فى البيوت اللى فى الطبق....ها صدقتوا ولا لسة

4 comments:

sakayar said...

هيييييه ... أنا أول تعلييييق
ههههه

إلا هوه لا مؤاخذة انتو تبع أنهي قارة بالظبط؟؟
أصل اللي بتحكي عليه ده مش بيحصل غير في موزمبيق الحرة وذلك يرجع سيادة القاضي إلى ارتفاع نسبة الأسماك في البحار والطيور في الأنهار
أما عن الأحلام ... فـ غير مسموح باصطحاب الأحلام الكبيرة .. نظرا للظروف الاجتماعية للبلاد

فى القلب said...

والهى ياسوسو
لو هعيش جنبك
أنا موافأه لو فى شق ثعبان
وأنتى جنبى ومعيا أحلامى لمستها

sa7arkash said...

ماشى يا عم ساكايار كده 1\1 ..بس برافوا عليك انت ازاى عرفت اسم القارة بتاعتنا..ايه انت اكيد شفتنا ع الجزيرة الوثائقية...صح ..اعترف والا هنجيبك تعيش معانا ...

Unknown said...

من كل قلبى ...
انتى فين من زمان و فين بوستاتك اللى انا مستنيها و لا ايه